التكات الخاصة بالأكل

حفظ البيانات؟
الرئيسيةاليوميةس .و .جبحـثقائمة الاعضاءالمجموعاتالتسجيلدخول
PR by WebTarantula
i_icon_mini_register.gif - 4.49 KB
» من رمضان نبدأ محاضرة صوتية مميزة السبت يوليو 12, 2014 2:51 pm من طرفsa3100sa» معلومات مفيدة عن مراحل علاج الادمانالأربعاء فبراير 26, 2014 3:13 pm من طرفنورة كريم» الصلاة أهميتها ومحاضرات خاصة بالصلاةالإثنين يناير 06, 2014 11:46 am من طرفsa3100sa» توفير عمالة من مصر كافة المهن بدون مصاريف فقط خلال 14 يوم (مكتب استقدام عمالة مصرية)الأربعاء يناير 01, 2014 12:31 pm من طرفمى نورالشرق» موسوعة خياطة كاملةالثلاثاء ديسمبر 17, 2013 10:20 am من طرفwa3d» شنطة كروشيه شيك بالباترونالإثنين ديسمبر 16, 2013 12:03 pm من طرفwa3d» كتاب رائع باللغة العربية والصور لتعلم التريكو من الصفر لغاية الاحترافالإثنين ديسمبر 16, 2013 9:47 am من طرفwa3d» مجلة قبعات كروشيه حريميالإثنين ديسمبر 16, 2013 9:37 am من طرفwa3d» كتاب تعليم التطريز بالخيطالإثنين ديسمبر 16, 2013 9:32 am من طرفwa3d» فستان وبليرو وطاقيه شيك كروشيه بالباترونالجمعة ديسمبر 13, 2013 9:07 am من طرفنغم» سلسلة العقد الذهبي" فن الزهور"8الأحد نوفمبر 10, 2013 3:49 pm من طرفomo zineb» تنوره كروشيه بالباترونالأحد أكتوبر 06, 2013 12:41 pm من طرفاولادي عيوني» طقم بنوتة يجنن بالباترونالأحد أكتوبر 06, 2013 12:26 pm من طرفاولادي عيوني» طريقة عمل الطرحة لفستان الزفافالأربعاء يونيو 12, 2013 5:15 pm من طرفنغم» طريقة عمل عقدة البداية slip knotالأربعاء يونيو 12, 2013 5:04 pm من طرفنغم


شاطر|

التكات الخاصة بالأكل

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: التكات الخاصة بالأكل الأحد فبراير 03, 2013 11:33 pm




التكات الخاصة بالأكل

وأنا بتجول في النت لقيت الموضوع وعجبني قوى ويارب يعجبكم أنتم كمان الموضوع خاص بتكات الأكل يالا معايا نشوف...
اول حاجه المكرونات بكل تكاتها وطرق البشاميل كمان


المكرونة البشاميل :

باسويها بحيث إن البشاميل ما يجمدش بتكون أطعم من إن هيا تستوى كلها يعنى باسيبها قيمة نصف ساعة فى الفرن وباحطها من تحت خالص وأوطى النار خااالص تاخد جراتان (حلوة جراتان دى)
ما باشغلش الشوايه الغرفة اللى تحت خالص أحلى من الشوايه بشرط إن النار تكون هاااديه خالص



المكرونه:
وأنا باعمل صلصه المكرونة السريعة اللى هيا بالصلصة بس وعالواقف
باحطلها شويه خل وشويه بودرة توم وبودرة البصل وبابريكا ووكمان زعتر روز مارى بس للأسف الولاد ماحبوش إضافات الزعتر والروز مارى بس بصراحة بتكون خرافة والمكرونه بتخلص على طول بعد ماكانت بتتركن
المكرونة اللى باللحمة المفرومة
بعملها ببصل وادخلها الفرن فى طاجن وعلى وشها معلقة زبدة



طريقه تجدد المكرونه التقليديه
بعد ما تعملي المكرونه بطريقتك العاديه
اعملي الدقه دي
حتحطي فصين تلاته توم مع فلفل حراق او رومي و معلقه خل
و طماطمتين و ملح و فلفل و دقيهم او في الكبه اطحنيهم و لما تغرفي خدي من الدقه و حطي
لو ماكلتيش طبقين
ابقي ازعلي مني هههههههههههه
المكرونه الباشميل بتكون اجمل لما اضيف على المكرونه صلصة طماطم


المكرونه انا لما اجى اطبخها مش بعملها تسبييكه البصل والتوم دى .
.لكن بحمر فى شويه زيت الاول قرن فلفل بس طبعا مفتحوش علشان الحراره بتاعته ..
.وبهدى النار علشان ميفرقعش فى وشى ..وبعدين بحط عصير الطماطم...
وشوية فلفل اسمر وملح .وطبعا اشيل القرن الفلفل .واحط المكرونه بتبقى روعه وخفيفه ....


صنيه المكرونه بالبشاميل
بحب اقلل من المكرونه وازود اللحمه المفرومه وااعمل البشاميل سايل وكتير
يعنى بعمل نص ك مكرونه اقلام على ك لحم بقرى مفروم
واللحمه بعصجه من غير صلصه خالص لاكن بزود البشاميل السائل وبتبقى تحفه


البشاميل
الدقيق على اللبن على قليل من السمن على النار مع التقليب لمدة دقايق
وبعد كده بحط عليه جبنة رومى مبشورى
وكمان بضيف شوية عصاج على المكرونه مع البشاميل
الباشميل بجانب الكريمه بحطلها كمان
شوية شوربه مع اللبن بتبقى رووووووووووووعه.واحيانا ولو معنديكيش شوربه ممكن مكعب مرق فى شويه مية
الاول يدوب وبعدين تضيفى الميه دى والبهار (بس انا كنت بستخدم المكعب ده بس سمعت انه مش كويس فبطلته )
البشامل انا بدوب 3معالق دقيق فى كوب
ماء وضيفه للبن وهو بيغلى ومعاه توابل ومعلقهنشا وجبنه موزورلا وقلبى على النار لحد ما يعمل قوام بيبقى تحفه


مكرونة بالباشاميل بعصج اللحمة
واكون مقطعة عليها طماطم وتفضل تستوى لحد ما الطماطم تعملى صوص بشيل الصوص الاحمر دا من اللحمةة على جنب
ولما الصينية تكون قربت تستوى فى الفرن بروح مرشرشة الصوص عليها بيبقى تحفة زى المكرونة الفرن بتاعة فلفلة


المكروووووووووووووووووووو ونه بطريقه جديده
جيبي تومه بدل البصل و اول ما تصفر ضيفي الصلصه و كاتشااااااااااب معلقه كبيره و شويه ريحان
و اطفي و قدمي مع الجبنه الرومي المبشوره بتبقي حكااااااااااااايه
لما تعملي مكرونة للكشري حطيها تتحمص بسيط فالفرن ..أو حطيها فحلة من غير أي إضافات عالنار و قلبيها لحد ما لونها يفتح وزوديها بعد كده عادي..
صلصه المكرونه بضيف مع الطماطم في الخلاط فلفل اخضر رومي او حراق بيخلي طعمها وريحتها حلوه جدآ
لما تعملى البشامل بعد ما تخلصى مهما كانت الطريقة اللى بتعمليه بيها لو عندك جبنة
مثلثات اهرسى كام واحدة وحطيها علية بتخلى طعمة تحفة
الباشيمل
انا مش بحطله بيض ولا شوربه نهائي لبن ومايه بس و بيبقي خفيف جدا وتحفه وبنحط ع
الوش بقسماط عشان يحمره وبنضيف عليه فلفل اسود و قرفه طعمه بيبقي
وهمي ولو كلكع منك اضربيه في الخلاط او بمضرب البيض بيبقي جميل


البشاميل اللى بيكلكع
طبعا مش كلنا متمكنين
فممكن نعمل اية عشان مش يكلكع
نجيب الاول اللبن على النار يسخن
وفى طبق لوحدة نحط السمن وعليها الدقيق
ونمزجهم مع بعض بايدينا لحد ما يتجانسوا خالص
وبعدين نحطهم على اللبن اللى على النار
وهتلاقية مفيش كلاكيع خالص
وبيدوب فى اللبن


المكرونة: بعمل الصلصة بتاعتها بحتة توم صغيرة اوي في الزيت و الطماطم عادي و بحطلها زعتر و ريحان و بعد ما احط المكرونة بحط معاها حتة زبدة تسيح معاها و تديها نكهة و عمرها ما تعجن

لعمل الصوص الابيض ....
2 كوب لبن متدوب فيهم معلقتين كبار كورن فلور و عليهم علبه كريمه طهي نص كيلو و علي النار اقلب لحد ما الصوص يتخن و بعدين اضيف كوب من الجبن الرومي المبشور والشيدر معاه او الفلمنك وطبعا الملح والفلفل
اجيب باه صدور فراخ متقطعه صغير او سوسيس متقطع صغير او جمبري ,,,مع مشروم للي يحب المشروم
واحمرهم في معلقه سمنه لحد لما يشربوا ميتهم ....و بعدين اضيف شرايح البصل وشرايح الفلفل الرومي اللي متقطعين صغير واحمر لحد ما يدبلوا ...
واضيفهم للمكرونه المسلوقه
واثناء التقديم .....بتكون المكرونه وحدها والصوص وحده .....واحط ده علي ده
تحفه ...ولا اجدعها مطعم باه




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:34 pm




ثاااانيا تكات الارز بجميع الطرق


أولا : الأرز:
أى نوع رز باعمله لازم أحوره فى أى مادة دهنيه الأول عشان يفلفل ويكيد الأعادى هههههههههه
يعنى مش باسقطه فى الشوربه لأ أديله تشويحة الأول وبعدين أسقطه عليه الشوربه أو حتى الميه أنا بامشى حالى بالموجود الرزايه نفسها بتطول وترفع وبتكون شكلها مختلف وبتنادى تعالوا كولونى


و ساعات باقطع فلفل رومى مكعبات على الرز الأبيض...بجد طعم وهمى و كأنك سقياه بشوربة خضار
ماما بتقول كمان ان لما تحطى الملح على الرز بعد ما تقلبيه فى
الزيت شوية بيكون طعمه احلى من لو حطيتى الملح على المية(و طبعا انتوا بتشوفوا ازاى
الهنود فى التليفزيون بيحطوا البهارات و يقلبوها تقليبة فى الزيت عشان نكهتها تطلع)


تحطي معلقه سمنه و اول ما تقدح حطي فص مستكه و حطي الرز و الملح
ياااااااااااالهوي علي حلاوته
اني بحرق سكر واحط عليه شوربه وقرفه وصويا صوص واسقي بيه الرز فظيييييييييييييييييييع
اعملوه وادعولي بالذريه الصالحه


الرز بالكبد والقوانص
بحط فيها نعناع ناشف
ورز السمك احط فيه قرفة بيبقي تحفة
والرز الابيض شوية جنزبيل بيدي طعم في كل حاجة
لما بفلفل الرز اللى هو حبه وحبه ولما بضيف الرز عشا
يتحمر بضيف رشه ملح بيمنع التصاق الرز ببعضه وميتعبكيش وانتى بتفلفليه فى تكيك الرز من بعضه


لما نحضر زبيب لوجه أي نوع من البرياني أو الرز المخلوط :
نحمر بصله ناعمه جدا +
1/2 ملعقه صغيره كركم + الزبيب المغسول والمصفى ويقلب حتى ينتفخ
وينثر مع اللوز فوق الرز .
رز السمك طبعا بالقرفة والجنزبيل وكمان بالجزر المبشور .بيبقى روعة
ولما يكون عندي أرز بايت وعاوزه اغير اضيف ليه
كوب لبن مضروب فيها بيضه وبشر جبنه رومي وادخله الفرن
الرز بيتنقع فى ميه الاول قبل الطبخ ...ولو هعمله بالكركم بنقعه فى ميه فيها كركم ...وبشوحه مع فصين حبهان وبضيفله شوية قرفه وكارى وشويه فلفل اسمروالملح .واديله شوربه ..بيبقى روعه.
اما الرز بالسى فود بقى
طبعا هتبقى الحاجة متبلة
وبعدين بصله كبيرة مبشورة هنحمرها شوية فى الزيت ونضيف عليها السى فود ونشوحهم كويس لمده 5 الى 7 دقايق
وبعدين معلقة صلصة صغيرة نحط مية الرز ونقطع فيها نص ربطة كرفس على شبت وكمون وفلفل اسود وملح بعدين الرز
ولو عاوزين الرز اصفر يبقى بلاش صلصة ونحط كارى وشوية كركم


الرز
لما تعملية بشعرية او واحدة وواحدة حطى الملح وشوحيها شوية وضيفى الماية تكون بتغلى


الرز المفلفل اللى بالشوربة والملح والفلفل الاسمر
بضيف من عيارة كوب لبن ومعلقة قشطة وادخلة الفرن فى طاجن يكمل سواة
الارز الابيض العادي لما بحط عليا الميه او الشوربه حسب يعني
بحط عليه ربع كوبايه لبن مش بيعجن مني خالص وبيبقي طعمه تحفه
الرز المعمر بدخل مع اللبن كوب كريمه لباني بيخليه مش بس معمر لاااا كمان معتبر
بحط معلقة خل على الرز مع الشوربة بتخليه بيلمع ومفلفل مافيش حباية ماسكة فى التانية
الرز لو مستعجله على سواه هاتى كيس بلاستيك نضيف وحطيه على الرز وغطيه كويس بالكيس وبعدين غطيه بالغطا ده علشان يكتم البخار


الرز الاصفر
بحب احط ف الحلة الاول شوية زيت او سمنة ومعاة مكعبين ماجى وعليهم الكركم وشوية كاااارى وشوية قرفة وشطة ونقطتين ليمون
واول ما كللللللللل دة يسخن ف الزيت ويطلع ريحة مممممممم وااااااااو
ضيفى الرز المغسول وقلبى كويس اووووى وبعدين حطى الملح والمية او الشوربة
الرز المعمر مش بحط له سمن خالص بس بنقع الرز نص ساعة وبعدين اصفيه كويس واقلب عليه شوية قشطة من وش اللبن الى بحوشه فى الفريزر واحط فى الطواجن وعليه اللبن وعلى الوش معلقة قشطة بتحمر الوش وتخلى الريحة
تحفة ولما يطلع من الفرن يكون ناشف اغطيه 5 دقايق يعرق ويطرى ويبئى تحفة
رز السمك البنى حمرى البصلة
جامد وحطى عليها شوية شطة وكمون ومعلقة صلصة وبعدين المية بيطلع رهييييييييب
رز بالشعرية
حمرى الشعرية وضيفى عليها الرز ياخد تشوحتين معاها
وبعد كده ضيفى عيار الميه بتاعته والملح وقلبيهم
التكه بقى ضيفى قليل من الفلفل الأسود طعمه بيقى جميل جدااااااا
بس يكون الرز مش منقوع


الرز فى الفرن قبل ما أدخله الفرن بحط على وشه وش اللبن

ماء الارز نقطتين ليمون يجعله ناصع البياض
رز السمك عشان يكون روعه
بانقعه شويه في الميه ولما بسويه قبل ما اقفل عليه بحطله شويه كزبره خضرا بيكزن
وهمي كمان بحطله في السوا حته خلطه من بتاعه السمك وتاكلي الرز حاااااااااااااااااف




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:35 pm




تالت حاجه تكات الاكلات الرئيسيه ( الطبخات بئا )


ما شاء الله انا نفسى اقول بقى على سر حقيقى خطير ويخلى اكلك كله تحفة
وهو ذكر الله اثناء اعداد الطعام سواء قران او تهليل اوتسبيح اوتحميد بيخلى
للاكل مذاق اخر سبحان الله مذاق رائع اكيد جربوها التكة دى
طريقة حفظ الملوخية الخضراء
هاتى الملوخية الخضراء وقطفيها واغسليها كويس وحطيها فى كيس خدديه
اه كيس خدديه مستغربين ليه
وبعد كده حطى كيس الخدادية فى الغساله وشغليها دورة تجفيف
وبعدها طلعيها وحطيها فى اكياس وحطيها فى الفريزر
ولو طلعتيها بعد سنه بتكون طازه زى يوم ما إشترتيها
ولو انتى قلقانه من موضوع الغساله ممكن تجففيها تحت المروحه وتكملى الطريقه عادى


الناس بتعمل كباب الحله بالبصل ومكعبات
ااحنا بتعمله شرايح زي البوفتيك ولما يجي يستوي بنضيف ربطه بقدونس طعمه غير طبيعي جربوه وهتدعولي
الخضار اي حاجه خضرا بنشوحها مع اللحمه قبل ما نحط الصلصه ماعدا الباميه بتتسلق زي الفاصوليا واللوبيا الناشفين
الملوخيه:
كنت باتكسف أعملها فى العزومات لحد ماعملت التلات حاجات دول اللى هما سر شويبس
* لازم أنشفها من ميه الغسيل تماما قبل ما باخرطها
* لازم أخرطها قبل الطبخ مباشرة
* بعد ماأطش التقليه ما باغطيهاش باسبيبها نصف متغطيه
السبانخ
بجيب ربطة سبانخ مثلا نص كيلو عليها 3 ربط شبت بس وفصين توم قبل ما تطفي عليها بثواني
مش بحط كزبرة خالص
ودوقي طعم التغير ههههههههههههههه
لما بطبخ اكل تقليدى بسله لوبيا فاصوليا خضرا او يا بسه بعد مخلص
الطبخه خالص واطفى النار بدق فص ثوم مع فلفل اسود واجى ضيفاه فى قلب الطبخه
واقلب واغطى الحله فى ثوانى مقلوكوش الريحه والطعم وطبعا م السكر
وبالنسبه للحمه بعد مانسلقها بقطع معاها بصل وفلفل اسود وشويه زيت صغيرين وقلب علي نار هاديه
لحد البصل ماتدبل مع اللحمه وبحط معلقتين صويا صوص بيبقي طعمها رائع واحسن
من كباب الحله اللي بياخد وقت طويل علي النار


لما ابقى عايزة اعمل ملوخية و مفيش شوربة...او حتى لو فيه شوربة ممكن تتعمل...بحط شوية زيت و احط شوية
كمون و صلصة بسيطة برضه و لما تتسبك الصلصة و ريحة الكمون تطلع بعد اما ينزل فى الزيت ,
انزل بالشوربة(او مية مع مرقة دجاج بتبقى حلوة برضه)و تكملى الباقى بقى زى الملوخية عادى...
جوزى اللى ملوش فى الملوخية عجبته اوى و كانت بمرقة الدجاج كمان مش بالشوربة
بحط قرن فلفل حراق مع الباميه وبشيلو قبل ما اقدمها بيشطشط شويه الباميه وبتبئا جميله
الملوخيه ساعات بعملها بالمرقه برضه بس بحط بصلايه معاها
و فلفل و طماطمايه و اول ما تغلي انزل الملوخيه و اعمل التقليه عادي


في طبيخ البطاطس العادي باللحمه بعد ما أحمر البصل أضيف ملعقه كبيره
حلبه خضا مجففه ومفروكه باليد يبقى طعمها تحفه وكمان في طبيخ السمك
أحمر بصل وكزبره مفرومه وحلبه مجففه بجد طعم مختلف تماما


بصي انا لما بعمل السبانخ
بجيب ربطة سبانخ مثلا نص كيلو عليها 3 ربط شبت بس وفصين توم قبل ما تطفي عليها بثواني
مش بحط كزبرة خالص
ودوقي طعم التغير ههههههههههههههه
الملوخية والعدس لما بطبخهم وانا بطفي عليهم احط شوية
كربوناته في الملوخية يخلي لونها اخضر ما تسودتش وما تعملش انتفاخ هي والعدس
لما بدبل البصل على النار لاى طبخه بضيف الملح الفلفل
علطول على البصل وانا بقليه عشان ما يتحرقش ويدبل بسرعه وبيفضل طرى


لما نحمر بصل لأي طبخه نضيف عليه 1/2 ملعقه صغيره كركم تخليه ريحه وريحة الطبخه جميله .
البطاطس المطبوخه بعد ما تحطى البطاطس فى الصلصه
زودى الشوربه وتغلى واطفى عليها تطلع جميه وماتتهريش
انا باحط الجنزبيل على كل حاجة باطبخها
لان فوايده كتير جدا
والريحان لمايتحط على اى شئ فى طماطم اوصلصه بيميز طعمها


والملوخيه تجنن باللحمه الضانى
الفاصوليا الخضرا لما تطبخيها البصل بتاعها يكون مدعوك
بملح وفلفل زى البطاطس بظبط وتحطى عليه عصير الطماطم وتسبيه يتسبك من غير تشويح البصله
واضافة فصين توم بعد ما تنزلى بالفاصوليا وتقرب على السوا التوم بيديها طعم حلو اوى ومميز جدااا


الملوخيه ..باحط فيب الشوربه بتاعتها ثمره طماطم تغلي معاها
وباصفيها علي الملوخيه قبل الطشه
تاني سر تضيفي ملعلقه سكر علي الملوخيه
اى خضار تقليدى بيتضاف علية توم بعملة عادى جدا وبدق فصين توم نايين
واقلبهم على الخضار واركنة من اول ما ابدء اطبخ وبعدها اضيفة
على التقلية


والملوخية
بحط التوم جزء نى يغلى فى الشوربة والباقى بعملة طشة عادى
واكتشفت بقى انها بالزبدة مش حلوة زى السمنة العادية


الملوخية وهي إن التومة بعد ما تحمريها في السمنة تحطيها
على الشوربة بعد ما تغلي وتسيبهم يغلوا غلوة كده مع بعض وبعد كده تطفي النار أو توطي النار على الآخر وبعدين تحطي الملوخية الخضرا وتقلبي وتطفي النار على طول وتشيلي الحلة
من على النار بتفضل الملوخية خضرا وطعمها جميل قوي
عايزة البامية تكون حكاية
كتري التوم
وحطيه في الاخر قبل ما تنزليها ب 10 دقايق بس
مع طبيخ الكوسة بحط نعناع ناشف رشتين كدا بتبقى تحفه
الملوخيه الناشفه عشان تبقا لونها اخضر مورور زي الخضرا بالظبط برضو فسفوسه كربوناتو بعد ما تغلي


الملوخية الناشفة
لو خرطى عليها حزمة
سلق بتبقى كانها ملوخية خضرا وظازة كماااااان
البسلة
لما بتتجمد بتاخد وقت فى التسبيكة علشان تستوى
انا بحمر البصلة وأطشها بالشوربة واظبط الملح والفلفل
ولماتغلى اضيف البسلة واسيبها تستوىمش هتاخد وقت خالص وبعد ماتستوى ضيفى الطماطم وهتتسبك على طول
وشوفى احلى لون واجمد طعم
الملوخيه بعد مابتحطى التوم بالكسبره فى الشوربه وهى بتغلى بتبشرى عليها طمطمايه وبعد كده تضيفى الملوخيه وطبعا بعد كده الدقه والشهقه اوعى تنسى ههههه بس وتطفى على طول متسيبهاش تغلى بعدها علشان يفضل لونها اخضر وجميل
تكاتى فى الخضار انى مش بصب الطاطم على الطبيخ الا بعد ما اغليها غلوتين لوحدها


والباميه بعملها بقليل جدا من الميه يعنى طاجن باميه
الفاصوليا البيضا بعد ما تعمليها عادي و قبل ما تطفي دقي فصين توم بملح و فلفل و حطيه و خليها تغلي غلوتين
و شمي الريحه




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:35 pm




رابعا تكات جميع انواع المحاشى والعصااج


الكرنب
بابخر ورق الكرنب بيدى طعم مختلف تماما غير المعمول بالطريقة العاديه
يعنى بعد ما باسلق الكرنباية وباقطعها باجيب حله كبيرة وباحط ورق الكرنب فيها وبعدين أولع فحمايه وأحطها على معلقة سمنه وأغطى الحله بفوطة مبلوله وممكن أكرر الموضوع دة تلات مرات وآهى لبخة بلبخة بس النتيجة بتكون أطعم بمرااااحل من الطريقة المعتادة
وانا بعصج اللحمه المفرومه
احط اللحمه الاول فى الطاسه من غي اى دهون واقلب فيها هتنزل ميه طبعا ولما الميه بتاعتها تنقص النص
احط البصل المتقطع صغر اوى عليها واقلبهم سوا كلهم واحط عليهم رشه قرفه وملح وفلفل
الفكرة ان البصل ميغمقش من لون اللحمه وكمان طعمه ونكهته ميروحوش خالص زى لو شوحناه الاول وربيبقى الطعم روووعه
ده غير انه كده دايت للى عامل رجيم لأنى مش بحط نقطه زيت


المحشى لما اعمله احط مع التخديعه نعناع اخضر او ناشف بيديوله برده طعم حلو اوى وشويه قرفه

لما بتيجى تحشى الباذنجان الأسود,تحط زبيبة فى قعر البتنجانة عشان تقريبا بيقى قعرها مر شوية..
نعناع ناشف فى خلطة المحشى بيبقى روعة وكمان بفرم قرن شطة مع الطماطم بتاعت تقلية المحشى خطيرة
وبحط فى قعر الحلة بتاعت المحشى قبل ما ارص المحشى طرنشات طماطم وبصل و2قرن شطة وطبعا بكون متبلاهم
بكمون وفلفل اسود وذرة ملح وبالهنا والشفا
الكرنب وانا بسلققه بحط فى الماية مع الكمون والملح شوية زيت علشان الورق يلمع ويبقى مفلفل فى الحلة
لما بعمل فراخ محمرة جمب المحشى
بحط شوية من الزيت بتعاع التحمير او السمنة على المحشى بعد ما يستوى والزيت سخن بيديله طعم هايل
أحط ملعقتين سكر و3 ملاعق خل في خلطة المحشي بيقى تحفه طبعا كل
واحده وطريقتها في عمل الحشوه


محشى الفلفل الرومى علشان الفلفل بيبقى مسكر شوية بدهن الفلفة قبل الحشو شوية ملح صغييرين جداااااااااامن جوه

ولما بتعصجى الكبده دبلى البصله شويه مع البهارات وبعدين نزلى
الكبده علشان ما بتاخدش سوى
وخلطته المحشى بحطلها الخضره فى الاخر خالص بعد مااطفى النار
المحشى وهو بيتردد على النار بحط ملعقه كبيرة قشطه بتدى ريحه هايله


اللحمه المفرومه المعصجه مش بحمرلها البصل يا دوب بدبله بس .وبعدين اضيف اللحمه بس مش بحط الملح والبهار غير بعد ما لونها يتغير وتفرول من بعضها علشان الملح ميخليهاش تكتل فى بعضها .
المحشي بقى بعمله بزيت مش بسمنة بيبقى خفيف وكمان وانتى بتقدميه تلاقى الزيت مديله لمعة حلوة
وبحب اضيف على الورق عنب وهو بيستوي
رشه قرفه وعصير ليمونه وزيت زيتون


محشي ورق العنب
باضيف ملعقه زيت للشوربه اللي
باسويها بيه بتديله لمعه حلوه


المحشى
حطى التوابل على البصل والزيت وضيفى نعناع ناشف وقرن فلفل رومى
ومع الطماطم اضربى قرن فلفل احمر
وبعد التسبيكة والرز حطى بصلاية على الرز ناية متبلة بملح وفلفل
والكوسة بتاعة المحشى رشى ملح وفلفل عليها من جوة
الشوربة بتاعة المحشى عشان ياخد لون حلو حطى معلقة صلصة ومعلقة زبدة
ع الشوربة ودوقى وادعيلى
الحمام المحشي مش تسوي الرز قبل الحشو وكمان بعد تحمير الرز بالبصل والثوم والبهارات حطي على الرز بصله مبشوره نيه
للحمه المعصجه بحط عليها صلصة طماطم بتديلها طعم حلو اوى ده غير البهارات
خلطة المحشي
(نعناع ناشف
+كرفس متقطع صغير جدا مع الخضرة +قليل من الجنزبيل بودروبهارات اللحمةوكاري
المحشى جربته بطريقة واحدة صحبتى وفعلا طعمه طلع حاجة تانية بتشوحى البصل ومعاه معلقة توم ولما يبقى لوداخل عالتحمير يعن مايحمرش حطى البهار والفلفل
والملح والشطة وقلبى ولما ريحتهم تطلع حطى الرز
وفلفليه شويه وبعدين حطى الطماطم وقلبى لغاية مايتشربها
ودوقى وشمى احلى خلطة محشى
العصاج بعد ما اشوح اللحمه الاول احط البصل وشوحهم كويس وبعدين بضيف طماطميه مقشره ومقطعها صغيره والبهرات والملح واسبهم يستو كويس


المحشى مثلا انا بفرم البصل ناعم ومعاه شوية توم وبسخن زيت
مع سمنة وبنزل البصل يدبل بس وبعدين بحط كل التوابل كمون فلفل
اسود كسبرة ناشفة نعناع شوية بهارات واقلب بسرعة المهم البصل
ما يتحرمش يدبل بس واحط الطماطم او الصلصة والملح وشمى بقى
الريحة وبعصج اللحمة بنفس الطريقة تقريبا البصل مع فص توم مع فلفل
اسود وشوية بهارات وطماطمية وانسى بتبقى تجنن
المحشى انا بحشى الجزر بعد ما اقوره زى الكوسة والبتنجان والبطاطس ومش برمى قلب الخضار بقطعه ناعم بالسكينة او المخرطة واضيفه للعساج اللى معمول من غير دهون بس لحمة وبصل عالنارنى فى نى واقلب شوية لحد ما يستوى وانزل بالطماطم المسبكة عليهم ومرقة دجاج وانزل من عالنار وبعدين احط الخضرة والرز وطبعا مش رز كتير لان الخلطة بتبئى كتييييير وبقلب واحشى اللى قورته ومعاه ورق الخس اليومين دول احلى من الكرنب وكله حديد واسقى بالشوربة حتة سمن بلدى نونا بس عشان يلمع
تخديعة المحشي
ربع معلقة بن اه و الله بن بتخليه روعة
مامتي حبيبتي هي اللي قالتلي ع الموضوع دة


الممبار بضيف للخلطه بتاعته معلقتين صغيرين قرفه بتفرق كتير في الطعم

للمحشي انا بعد ما الفه طبعا لما بنسوية وش الحله عند اغلبنا بيبقي ني
انا بقي بحط علي وش الحله ورقة الكرنبه الخضرة اللي فوق اللي بنرميها بسلقها واحطها علي الوش
ولو مش عندي بحط ورقة فويل كده كله هيستوي في وقت واحد وبسرعة
بالنسبة للحمام انا لما بحشيه بحمر الرز بتاعه مع بصله وشوية فلفل اسمر
وبعد ما انزله من علي النار وهو ني بحط كام عود شبت اخضر بيبقي تحفه بجد
واحشي بيه ومقدار الرز
للحمامه الواحده بيبقي شوية في بطن ايدي كده عشان ميبقاش كتير والحمامه تنفجر
اهم شئ في المحشي بتاعي هو النعناع الاخضر والتوم وقرنين فلفل هندي حاااااار بحطهم مع كيلو طماطم وبضربهم كلهم في الخلاط وبجيب نص كيلو بصل بفرمه وبحطه على الطماطم وبقطع كسبرة وبقدونس وشبت وبحطو عليهم نيجي بئه لاهم حاااااااااااجه هي التوابل لازم تكون فرش ازاي اهم شئ في المحشي انك تطحني التوابل فريش وهقولكم بطحن ايه
بجيب وحدة جوزة الطيب كاملة مع كمون وفلفل اسود وشطه قرون حمرا وكسبرة ناشفه بشوح كل ده على النار تشويحه خفيفة اوي يادوووووووووووب يسخن واطحن بئه واضيفهم على الخليط السابق واغسلي الرز وقلبي بئه وعيشي في اللف اشي كوسه اشي باذنجان اشي ورق عنب اشي واشي واشي اهم شئ في الخلطة كلها انها ني في ني مابحطش حاجه ع النار وكلي بئه احلى محشي
السر في الني في ني ان لما بتخلصي وبتحطي المحشي ع النار كل النكهات بتطلع مع بعض وبيقلب ريحة الشارع والبيت


المحشى علشان يبقى خفيف بضرب الطماطم فى الخلاط وابشر البصل والتوم واغليه واحط التوابل وم السكر والسمن واطفى
النار واخرط الخضرة واضيف الرزواكمل الحشو والسوى بيبقى خفيف وريحتة تجنن
محشى البتنجان والكوسه والفلفل عشان يبقى مفرفر تحشيه زى ما انتى متعوده وترصى فى الحله شرايح طماطم وبصل وقلب كوسه لو عندك وترصى المحشى اللى حشتيه وتفركى نعناع ناشف وتغطى الحله وتحطيها عالنار وتهدى تستوى بعرقها من غير شوربه الفراخ ممكن تقطعيها اربعه وتغسليها وترصيها فى حله واسعه على ضهرها وتتبليها بملح وفلفل وتقطعى بصل وطماطم وفلفل اخضر قطع صغيره وتغطى
الحله وتهدى خالص وحتستوى بعرق البصل والطماطم زى المحشى وحتبقى تحفه
المحشى لما تحطيه على النار تعمليله الخلطه السريه (بتاعة امى)
تضربى فى الكبه ..طماطماية وفلفلايه رومى او حار وماجى وكمون ومعلقة سمن
وحطيهم على وش حلة المحشى وشمى احلى ريحة محشى فى العماره كلها


الكوسه لما بقورها عشان ما تتكسرش بحطها شويه في ميه مغليه وبعدين اقور المقوار بيجري فيها وبتكون سهله جدا
العصاج: دايما بحب احط فيه مشروم بيخليه غني و بيزود كميته و قيمته الغذائية


المحشي
بشوح بصلة ومعاها لية مبشورة في زيت وسمنة واضيف الطماطم وجميع البهارات الي عندي واسيبها تتسبك كويس جداااااااااااا
وفي الاخر اشيلها من علي النار واضيف الرز المغسول و الخضرة
واقطع بصلتين كبااار قطع صغيرة بس مش مبشور
واتبلهم بكل التوابل واضيفهم علي الخلطة بيعطوا طعم تحفففففة
وبضيف طبعا توم مفروم




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:37 pm




شوربة لحمه * شوربة فراخ * شربة خضار شربة لسان العصفور
وغيرها كتيييير


انا الشوربه وانا بسلق البط او الفراخ بتبئا مختلفه تماما لو حطه نص حزمة كرفس كدا وجزر
البطة او الفرخه اما تجي تسلقيها تبشري بصله صغيره وتدعكيها بملح وفلفل وكمون وتحطيها جوا الفرخه قبل ما تسقطيها فظيعه


انا بقى بحط مثلا نص فلفلة رومى سليم مع شوربة لسان العصفور و اشيلها بعد ما تستوى.
..بتبقى حلوة اوى(ساعات بحط فلفل الوان,بيعجب ابنى و بياكله.
..بس طبعا بقطعه مكعبات على الشوربة عشان هيتقدم)
الكرفس مع اى شوربة بيبقى روعة ...خصوصا شوربة الخضار
لما اسلق اللحمه قبل ما اطفي عليها بثواني
اضيف ليها سنة كمون بتدي طعم وريحه تجنن
الشوربه التتبيله بتاعتى عباره عن ثوم وملح وكسبره ناشفه وشويه كمون
واقليهم فى السمن واكبهم فى طيق التقديم فوق الشوربه
شوربة الفراخ بتبقى حلوة اوووى لما تبشرى البصلة


وبحب اضيف في شوربه سلق اللحمه والفراخ جزر وطماطم وبصل
وبقدونس وورق لورا وزر ورد وحبهان بتطلع خرااااااااافه


وكمان والفراخ بتتشوح بضع عليها قطع بطاطس وشويه كزبره خضره وكولى احلى شربه خضار ونسيت ولومعاهم جزره وبالف هنا
السى فود بتاعة الشوربة بغسلها الأول كويس جدا و ساعات بغسلها بمية ودقيق واديها التتبيلة المتية
ملح-فلفل اسمر-كمون-كسبرة ناشفة-شطة حسب الرغبة
-توابل سمك من عند العطار وعصير ليمونتين
واقلب كويس وشمى بقى الريحة التحفة واغطيها واسيبها ف التلاجة لتانى يوم


بحطها مع الشوربه دااااااايما والخلطة دى بجد
بتغير طعم الشوربه 180 درجه
(حبايه جوز الطيب +ورقتين لورى+قرنفل+فلفل اسود+كمون+كسبرة شويه صغيرين
+ نعناع ناعم شويه صغيرين+مستكه+حبهان+روزمارى) كلهم تطحنيهم مع بعض
وتفرغيهم فى برطمان وضصيفى على اى شوربه بتعمليها بيديها طعم وريحه خرااااااافه
وعصير طمطمايه على الشوره برضو
وكمان مع اى طبيخ بعمله بضيف شويه صغيرين بيغير ريحة الطبيخ للاحلى طبعا


شوربة لسان العصفور بعد ما تستوى وقبل ما انزلها من عن النار ادق فصين توم واحطهم معاها بتدى نكهة مميزة قوووى للشوربة

لما بتيجى تسلق الفراخ بتحط الأول شوية زيت و بعدين فص مستكة و تشوح الفراخ تشويحة لحد ما تمسك دمها و لونها يغير شوية كده و بعدين تضيف المية و التوابل و تسلقها...بيبقى طعم الشوربة تحفففففة

عشان الشوربة بتاعتك تبقى خرافة اعملي الحركة دي وادعيلي بجد
بعد ماللحمة او الفراخ تستوي تاخدي البصلة الي في الشوربة وتهرسيها بشوكة في طاسة النار مع معلقة سمنة بلدي ورشة ملح وفلفل اسود وحمريها شوية وانزلي عليها بالشوربة
وادعووووووووووولي عالريحة الي هيملى العمارة والطعم
اي لحمه او فراخ تسلقيها متنشليها دايركت من الميه بتاعتها خليها نص ساعه بدون نار في الشوربه علشان اللحمه تبقى جوسي
شوربه اللسان العصفور:
هيا حاجة بسيطه خالص باعملها بس الشكل والطعم بيكون مختلف
باحمر اللسان مع فصين حبهان
وما باغطيش الحله بعد ما باعمل الشوربه عشان أو نصف متغطيه عشان ماتنفشش وتنشى
وانتوا بتسلقوا الفراخ او اللحمة تقطعوا عروق الكرفس بتشيل الزفارة وبتدي ريحة وطعم للشربة
عايزه اقوللك اني بعصر نص لمونه وبقطع ربع بصله وارميها في شوربه الفراخ وهي بتستوي بتدي طعم وريحه جناااااااان


شوربة الخضار دى بقى
سر من اسرارى بقطع كل الخضار بعد غسله كويس طبعا وبجيب الحلى ومعلقة سمن


اللحمة بحط المية و البصل و البهارات كلها و اول ماتغلى المية
انزل اللحمة فيها و اسيبها تستوى وبعدين بعد ماتكون استوت اطلعها احطها فى الفرن 5
دقايق باتطلع تحفة كانها لحمة مشوية و احلى من بتاعة برة كمان جربوها و ادعولى


وارمى الخضار فيها يتشوح مع بعضه وشوية فلفل اسود وفصين حبهان بمعاهم طبعا حلقات
البصل والطماطم واشوح لمدة ما تقلش عن ربع ساعة او اكتر وبعد كده بحط الشوربة
ومعاها حزمة كرفس ولما تدخل فى السوا بحط حزمة تانيه مقطعة طبعا مش هقولكو
عالريحة ولا الطعم مش بتكون مهريه زى بتاعة المستشفيات لالا بتبقى كل قطعة
خضار زى ما هى وعلى فكرة انا مش بقطع الخضار رفيع لاء بيكون وسط


بسلق الفراخ بعد ما بشيل اللى بيطلع ع الوش
بحط ملح وفلفل وطماطماية صغيرة مقطعة وبصلة وورقة لورى واحدة وحبايتة حبهان او اتنين
بس بتبقى الريحة تحفة واكيد الطعم كمان


شوربة السمك
بحط معلقتين زيت ذرة في حلة ومستكة وحبهااان ومعلقة دقيق واقلبها فورا واضيف الميه وبصلة صغيرة وملح ويغلوا مع بعض
10 دقايق واضيف السمك وعود كرفس واااو بيعطي طعم تحفة وممكن نستغني عنه
الشوربة بيكون لونها ابيض زي ما تكون بالكريمة


لما بسلق اللحم الي بعظمه بحط في الماء بصل اخضر وجزر وبصل والمنكهات الجافة طبعا وبتصور هاد شي معروف بس الي انا اتعلمته من والدي الله يرحمه انه حط قطعة صغيرة فليفلة خضراء وفصين ثوم عشان تسحب اي طعمة موحلوة ....



 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:37 pm




نيجى بئا لاااجمد حاجه بنتفنن فيها
المشويات بكل انواعها


فراخ * بانيه * كفته * بوفتيك

لما بعمل الفراخ البانيه بحط مسترده وكاتشب وهوت صوص وبقلبهم وبدخلهم الفرن دى لما بكون مستعجله وعايزه اعمل اكله سريعه مع مكرونه بالماشروم والكريمه اللبانى
أما الفراخ البانيه مثلا بقت اروع


لما حطيت مع البصل زبادي و معلقه مسطرده

و الشيش طاووق المشوي بقي خطيييييييييير لو حطيتي

مع البصل كاتشاب .و باربكيو..و زبادي او كريمه لباني ..و زعتر ..و ريحان
بستعمل الزنجبيل الطازج والزعتر والروزماري في كل تتبيلاتي للفراخ واللحم
بالإضافه الى باقي مكونات التتبيله اللي كل واحد متعود عليها
** أحط ملعقتين صلصة بيشاميل للمرق بيقى طعمه جميل أوي


لما أشوي لحوم أو فراخ أو بحريات على الفحم كل شويه أدهنها بالفرشاة
بالصويا صوص بيبقى طعمها تحفه


و اللحمة المفرومة بقت أحلي مع الجزر المبشور ناعم
و الفراخ بالبصل طعمها أحلي مع الجزر المبشور دي فكرة جوزي.
و الكفته المشويه طعمها حلو قوي بعد ما حطيتلها م ك صلصه


البانية بيبقى اشهى ولونة دهبى جميل وكرسبى لما تضيفى للبقسماط ضعف الكمية نشا ودقيق

الفراخ بحب احط على التتبيلة بتعتها زبادى بتكون اطعم واصح

بستعمل الزنجبيل الطازج والزعتر والروزماري في كل تتبيلاتي للفراخ واللحم
بالإضافه الى باقي مكونات التتبيله اللي كل واحد متعود عليها


لما أشوي لحوم أو فراخ أو بحريات على الفحم كل شويه أدهنها بالفرشاة
بالصويا صوص بيبقى طعمها تحفه


خدى كمان لما بعمل كباب حلة او شاورمة بعمل فحمة وبحطها على فويل واطشها بنقطتين زيت فى الحلة
واغطيى الحلة 10 دقايق ...ودوقى الطعم


اى تتبيلة فراخ او لحمة مشوية بحط معاها لمون ناشف وقرفة بيقرق فى الطعم كتيييييييييييير

للبانيه : خلط الكريمه مع الحليب بدل الماء طعمه أحلى بكثييييييير
وخليط من البقسماط مع التوست المفروم يدي قرمشه ومنظر أجمل من البقسماط لوحده


والزعتر البرى لما يتحط على الفراخ المشويه مع الاريجانو والريحان والبصل والفلفل بتبقى ريحتها وطعمها تحفه
ورق اللوره في شاورما اللحم تحفهههههههههه
ولما باجى أصبع الكفته بدهنها بمية البصل قبل ماأدخلها الفرن بتبقى خطيرة
بنات بتقول انها لما بتعمل كفته اللحم بالرز فى البيت بتفرفرط منها فى القليه
الاول بنقع الرز مده ساعه او ساعتين
وبعدين بجيب الكيتشن ماشين واحط شويه رز افرمهم الاول وبعدين احط عليهم بقى اللحمه والخضره واضربهم فى بعض
ولما بقليها بتطلع جميله ومتماسكه وبعدين بعملها بالدمعه


# انا بحب لما اعمل الفراخ فى الفرن احط عسل ابيض عليها بيديها لون ذهبى تحفة
بيكون معلقتين عسل ابيض ومعلقة زيت زيتون وبهارات وملح وممكن زبادى .


للبانيه بحط مع البقسماط شوية بهارات لحمة بيخلي طعمة حلو جدا
في مرة كنت هعمل كفته ومفيش بقدونس
رحت حطيت بدل البقدونس فلفل اخضر
وكسبرة ناشفه
طلعت تحفه
ومبقتش اعملها غير كده
الفراخ بقي بقيت احطله
عصير بصل مع ليمون مع فلفل اسود
مع رشة جنزبيل وقرفه
و3 -5حبات توم مش مفرومين
وشطه ومايونيز وكاتشب قليل جدا


وكمان جربت الزبادى على البصل فى الفراخ البانيه فعلا بقت أجمل بس فى سر كمان أنا جبت كيس شيبسى وضغطت عليه وفتفت الشيبسى
وفضيته على البقسماط بتاع البانيه علشان يبقى زى فراخ كوكى الجاهزه عشان بنتى بتحبها وطلع واووووو
اتبل الفراخ البانيه والبفتيك بالمسترده والصويا صوص مع البصل المبشور
تتبيله الفراخ المشويه
باضيف ليها الزبادي بيديها طعم حلو ويساعد علي النضج السريع
وبابيت الفراخ في التتبيل ليله كامله
المشويات خدى طماطماية وبصلاية واضربيهم وتبليهم ملح وبهارات وسويهم شوية ع النار واللحمة او المشاوى ع النار ادهنيها بيها كل فترة


لما اشوى فراخ
فى الفرن بحط تحتها طينية بطاطس تستوى كامل فى الفرن وبتاخد طعم
المشوى


لما بشوى بردة بسخن العيش ع الفحم مع المشاوى بيبقى تحفة

الكفته المقليه معلقه خل ابيض وشويه قرفه مع البصل والتوابل وطبعا شويه بقسماط كل ده مع اللحم
المفروم وبعد كده يتصبع وتغطيه ببيض وبقسماط وتقلي. الخل هيخليها تنفش والقرفه هتبقه حلوه جدا! جربي


البوفتيك قبل ما اتبله بدقة بالدقاقة كةيس علشان ما ياخدش سوا وبحط مع التتبيلة بتاعته معلقتين زبادى علشان ينعم
وما يشدش معايا
المشويات لما يتحط عليها ألبنا وبهارات زعتر_زنجبيل_قرفة بتكون حلوة جدا


احمر الفراخ فى الفرن
بعد اما اسلقها باشيل الجلد منها عشان متبقاش دسمة وبعدين اكون محضرة شوية طماطم ضرباهم فى الخلاط واحط عليهم بقى ملح وكمون وقرفة واقلبهم كويس واحطهم ععلى وش الفراخ بعد ما ارصها فى الصينية واسيبها تحت الشواية
اتفرجى بقى على الطعم والريحة 00
و عندك كورن فليكس ممكن نطحنه ويستعمل للبانيه بدل البقسماط


احلى تتبيله للبانية جربتها
زبادي+مسطردة+صلصة او كاتشب+ملح وفلفل اسود+بصلة مفرومة ناعم اوي وشوي ميا عليها وتسيبها يوم كامل بجد طعمها جنان سواء شيش طاووق او بانيه


تتبيله اللحمه المشويه
لو هتشويها عالفحم او الشوايه الكهرباء
خل +طماطم مبشوره+معلقتين زيت+فلفل رومي مقطع صغير+فلفل اسود وملح وبهارات لحمه
وعصير بصل طبعا كتير يعني حوالي
5 بصلات كده وفي ناس بتحط مسطرده بس انا بحب احط خل اكتر من المسطرده


الفراخ اللى فى الفرن بحطلها فى التتبيله غير البصل طبعا واليمون والملح والفلفل كل البهارات اللى فى الدنيا بس اللى بيخليها جنان المايونيز والكاتشب والباربكيو صوص بس دلوقتى بحط زبادى بدل المايونيز علشان الرجيم برده بتبقى روعه وبسويها فى صنيه على البوتاجاز عدى بس بغطيها ولما تستوى بحطها تحت الشوايه تحمر ولما تخرج بطش فيهاالفحمه بالسمنه بتبقى روعه
الزعتر والروزمارى والقرفه والبهارات المشكله الناعمه بحطهم فى كل الاكل تقريبا


تتبيلة الشيش طاوق (كوب زبادي+ بصلة مفرومة+فصين توم+مكعب مرقة دجاج+سماق +كاري +جنزبيل وملح وشطة +قليل من زيت الزيتون) كل دة يتحط في الخلاط ويتنقع فية الشيش طاوق ليوم كامل
تاني يوم هنحطة في اسياخ مع الفلفل والطماطم والبصل
هنحطة علي الشواية ياخد صدمة من الناحيتن الاول ونفضل ناخد من التتبيلة بتاعتة بفرشة ونغطي بها الشيش طاوق لحد ما يستوي ودوقوا احلي شيش طاوق
الكفته عشان متنكمش في السمن او الزيت بحط فسفوسه كربوناتو


البيض اللى بتحطى فيه البانيه حطى عليه شوية ميه
وقلبى قبل ماتحطى البانيه مش هتلاقى رغاوى فى الزيت بتاع التحمير
البانيه لما تحطيه فى البيض والبقسماط حطيه فى التلاجة
نص ساعة قبل التحمير مش هينزل القشرة بتاعته فى الزيت
الشاورما
ف البيت بلفها بعيش لبنانى على شكل اسطوانة
والف الرغيف ف ورقة فويل وادخلة الفرن لمدة دقيقتين بيطلع زى بيتاع المحلات بالظبط وبيكون المايونيز
تجانس مع العيش والشاورمةواحلى عن ما تكلى العيش بارد
الفراخ البانية
بحب احط ع البقسماط زعتر ناشف ( بيتاع البيتزا )
وشوية شطة طعم الزعتر بيكون واااااااااو
وبيخلى من برة شكل قطعة البانية جمييييييلة زى بيتاعت المطاعم بالظبط وطرييية ومقرمشة من الخارج


الهمبورجر فى البيت طبعا بتنبل اللحمه عادى الجديد بقى اننا بنرش عليها ملح ونقعد نعجنها شويه يعنى نفردها ونلمها وهكذا هتلاقى اللحمه مسكت فى نفسها خالص وبعد كده لما تعمليها اقراص او تقليها عمرها ماهتشقق دى معلومه من شيف

فراخ كنتاكي اللي ولادي بيموتوا فيها وماعرفش ازا كان حد قالها ولا لا لاني مالحقتش اقرا كل اللي اتكتب انا بجيب الفرخه واقطعها قطع زي ماتحبي وبعدين اسلقها مع البهارات بتاعتها وبعد لما تخلص وتبرد اجيب بيض ودقيق وكورن فليكس مطحون شويه في الكبه واعملها زي البانيه العادي وبعدين احمره في الزيت بتبقي تحفه والكورن فليكس بخليها زي كنتاكي بالظبط والتكه بقي اللي بتخلي الطعم مميز اني بحط مع كلا من الدقيق والبيض والكورن فليكس شويه بودرة توم بتخليه هايل اتمني ان الوصفه بتاعتي تعجبكم
بعمل الكفته فى الفرن وبضيف لها كبايه برغل بتبقى طعمها جنااااااااان


قطعى الفرخه الى اربع او ست اجزاء
وادعكيهم بالبصل والفلفل الاسمر والكمون وملعقه صغيره كركم وملعقه ريحان ناشف وحطى عليهم ربع كوب ماء صغير واكتمى الحله بالغطا واعمليها فى الاول على اعلى درجه
لغايه لما تسخن اووى هدى النار خااااالص واطلعى بره وشمى الريحه فظيعه وكمان بتبقى لحمتها طريه وحلوة وجوزك وولادك هايحبوها وكل يوم هايقولك اعمليهالنا


طريقه معتمدة للبانيه مش فى تتبيلته
انتوا كلكوا ما شاء الله عليكوا
انما فى طريقه قليه
انا سالت واحد شيف
قلتله انتوا ليه البانيهات بتاعتكوا بتبقى مقرمشه من برة
وطريه بردو
قاللى انهم بيقلوها فى حاجه اسمها شورتنج
الخلاصه انها بتبقى زى الزيت اللى عامل سمنه كدة
فانا بقيت احط زيت وعليه سمنه
واقلى
اتفرجى على اللون والطراوة وفى نفس الوقت القرمشه
وبيتاكل سخن للعلم
بيبقى ريحته جنان


الكفتة احلى لما تقدحة معلقة زيت وترصيها وتهدى عليها وتغطيها هتنزل ميتها وتشربها وكمان هتاخد زيت اقل وبعدين فالنصف فحمة ياسلام ولا كفتة الحاتى

للكفته المشوية او كفته الحاتي بتبلهاااا عادي وبضيف معاها رغيف عيش فينو منقوع
وكماااااان ربع كوب سفن آب
ههههههههههههه
اه بجد بيخليها طرية جدااااا
وطبعا في الاخر الفحمة بمعلقة سمنة بلدي
البصل عشان نضيع ريحته النفاذة بعد ما اقشره بنقعه في ميه وملح خفيف وخل
لما يتقطع مش هنعيط


الفراخ والحمام مثلا علشان اديله اللون الدهبي الجميل بادهنه الحمامايه بعسل ابيض و معلقه سمن كويس وبادخلها الفرن تحت الشوايه ..
الفراخ باعملها في الفرن مع البصل والفلفل الرومي والطماطم ..مع التوابل و البهارات و اغطيها بفويل تنزل ميتها و تستوي والصوص بتاعها يغمق
اخد الصوص ده اضربه في الخلاط واسقي بيه الرز .....طبعا بيدي له طعم جديد ومختلف ...مع اي توابل بحبها مره كاري مره قرفه مره بهارات كبسه او برياني ...مرها احط له فلفل رومي مكعبات مع قطع فراخ صغيره او لحمه ...
البانيه بطريقة جديدة
البيض + معلقة دقيق + نشا + صلصة
وطبعاً البهارات
مع الثوم والبصل ومعلقة خل وحطيت فيها البانية ووضعتهم فى الثلاجة ساعة
وبعد كده حمرت البانيه فى الزيت الحامى
وجبت بطاطس مسلوقة وضعتها فى الباقى من الخلطة إياها فترة برضة
وحمرتها ياه الشكل والطعم
مع بطاطس مسلوقة مع بيضة ناية وجبنة وفص ثوم وكام نقطة ليمون وخل
وضربتهم فى الخلاط الطعم رائع مع الخس وألف هنا وشفا
الكفته بالرز تطلع معاكي حلوه حطيلها
بقدونس وشبت وكسبرة( حسب الرغبة ) وفلفل اسود وكمون وشطه و1بصل و7 فصوص توم
وانقعي كوب الرز من بالليل للصبح
وياريت تستعملي لحم مفرومة بدل اللحمة الصحيح بيكون اسهل ( نص كيلو )
حطي كله في الكبه لحد ماينعم خالص


صدور الفراخ المخلية
وهمية ومالهاش حل
هى تقيلة شوية بس وهم وريحتها تجنن
الاول بتشتري صدور الدجاج تخينة شوية
وتبليها زي ما تحبي
انا بتبل البانية والشيش طاووق تتبيلة واحدة وهى
زبادى ومسطردة وليمون وخل وزعتر ملح وفلفل طبعا
بعد كدا افتحى صدر الفرخة المخلى زى الساندويتش يعنى من ناحية وادة بس
واحشيه بكوسة وجزر مبشورين ومتقلبين فى قليل من الزبدة وملح فلفل لمدة دقايق بس على النار
وحطى فوقيهم شريحة جبن رومى واقفلى صدر الفرخة بخلة
وتكونى مجهزة بيضة مضروبة ببقدونس مفروم وجبن رومى مبشورة وقلبى فيها صدر الدجاجة بشويش لحد ما تغطيها كلها بالبيض والبقدونس والجبن الرومى
وفى طاسة فيها معلقة زيت حطيها بشويش وتكون النار هادية خالصوغطى عليها لحد ما تحمر من تحت اقلبيها بشويش جدا لحد الوش التانى ما يحمر
وبعدين طلعيها ودوقى احلى طعم




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:38 pm




ونيجى بئا لنكهات الجميله
واللى اى حد بيدخل مصر بيطلبها وبيعشقها
الكشرى افندى ودقاته كمااااان
لا والكبسه كمان
والفته بتكاتها وغيرووو
تعالو نشووف



الحواووشي بطريقة زي الجاهز بس طبعا انضف بكتير
الاول بسوي بصلة كبييييييييرة مقطعة صغير جدا على نار هادية لحد ما تستوى خالص
وطبعا ببشر على السمن و الزيت اللي بحمر فيه البصلة جزء من اللية مع بهارات وبشرة جوزة الطيب( وهبطلها علشان فى فتوى انها حرام) بس هتأكد الآول
وفص حبهان مطحون وبابريكا وشعرة قرفة ومكعب مرقة دجاج ولما البصلة تستوي خالص اكون مجهزة اللحمة وهى مفرومة ناعم جدا مع قطعة لية و بصلة تانية وطمطماية صغيرة وواحدة فلفل رومي
كله ناعم جدا جدا وبعجنهم ببعض كويس مع بيضة وبحط عليهم البصل المستوى وبعدين افردهم في عيش بلدي نص سوا واحمرهم فى طاسة تيفال على نار هادية جدا اكون داهنه الطاسة بمسحة سمن بسيطة جدا
وبطلعهم رغيف رعيف احطهم فى حلة واغطى عليهم كويس
ومش هقولكم على جماله بجد روعة انا جوزى بيموت فيه وولادى كمان
ملحوظة ممكن تعملى نفس الخلطة للهمبورجر البيتى بس بدون البصلة المستوية واللية بس بتضيفى على اللحمة المفرومة ناعم مع البصلة والفلفل والطمطماية والبيضة معلقتين صويا صوص ونص كوب بقسمات مطحون وتعمليه اقراص يفصل بينهم اكياس بلاستيك مدهونة زيت خفيف وتلف جيدا وتحفظ فى الفريزر


الكبسه
فى حاجة عند العطار اسمها خولنجان قطعة صغيرة بتدى ريحه روعة
الكبسه وانتى بتشترى الرز البسمتى هاتى النوع اللى لونه اصفر شويه لانه بيستحمل فى السوا
وميتغسلش الا وانتى خلاص هتضيفيه على خلطه اللحمه او الفرخ علشان متضطريش تسبيه لحظه يتنقع
لانه بيتكسر وبيبقى وحش اوى فى السوا
وطبعا معروف انه ميكال رز ومكيالين ميه
بس انا ببقى بسوى اللحمه او الفراخ فى البصله والخلطه بتاعه اللحمه يعنى وببقى مزوده عقد ميه علشان يستوى الحاجه
فبحط مكيال رز ومكيال ونص ميه لانى بضيفهم اللحمه والرز على بعض مش بعمل كل حاجه لوحدها
واهم حاجه تنجح الرز ده وتخليه مفرفر وجميل التقليب كل شويه تقلبيه علشان مش يلزق وطبعا هنهدى النار لما يتشرب


الكبسه
حطي معاها كوب لبن رايب مش كبير في السوا بتبقي خطييييييييييييييره
بصو بقى انا فى مره اخترعت كبسه لحمه يعنى بشوح البصل وفلفل اخضر مفروم وفصين ثوم وبنزل عليهم البسله والفاصوليا الخضرا وافضل اقلب وبضيف البهارات بتاعت الكبسه وابشر جوزت الطيب القرنفل والفلفل الاسود والقرفه بهدها ببشر جزر عليهم واقلب بقوم حاطه تقريبه كوبايتين شوربه اللحمه ايلى عندى ولما يغلى بحط الارز البسمتى واغطى الحله بعدين باجى فى طاسه تانيه بحمر بندق وفسدق مقشر بحمرهم فى معلقه سمنه وبنزل عليهم الزبيب لحد مايتحمرو بقوم ضايفه اللحمه عشان تتشوح مع المكسرات ولما الكبسه بتستوى بحط على الوش المكسرات واللحمه وبعمل جنبها سلطه زبادى ايلى هى توم ونعناع وملح ومعلقه خل وزبادى تبشرى خيااااار وتحطى الزبادى وتقلبى وبالهنا والشفااا
الكفته
احط معاها فصين توم بيدي ريحة رووووووووعة بخلاف طبعا اللية لو موجودة
فص التوم مع الكفتة اووووو فص واحد ما تزوديش كفاية النكهة
سررررررررررى الرهيب فى الفتة بقى والعيلة كلها بتحلف بفتتى
العيش بقطعه فى صنية واحمره بمعلقة سمنة ولما ياحمص
معايا اطشه بمعلقة صلصة من يتاعة الفتة اللى هى بالتوم والخل يا خبر بيبقى رووووعة
وبعدين اكمل الفتة عادى


الحواوشى بعد ما بطلعه من الفرن
بحطه فى حلة وهو سخن واقفل عليه الغطا كويس
واسيبه ربع ساعة ...بيطرى ويكون جميل وهش اوى


الحوواوشى احلى اضافه على نص كيلو اللحمه رغيف كيزر
مفروم ورشه جوزه الطيب مع باقى البهارات


بحط مع الكبسة لحمة او فراخ ..لمون ناشف يا خبر بجد بيفرق فى الطعم كتيرررررررررررر
البصل بتاع الكشرى بحطله ملح وهو بيتحمر بيقى واو ..يتاكل لوحده
*باضيف اللية مع المشويات والحواوشى والشاورما ..بتدى طعم مختلف خالص


واكله الكوارع جوزى بقى يموت فيها لما بقيت اقدم معاها صلصله الطماطم
لما بحب اعمل كشري اول حاجه اعملها البصل افلفله بشويه دقيق وبعدين
احمره بيطلع دهبي ومقرمش وبعد كدا اخد الزيت اكمل بيه الكشري بيكون جمييل


من اسرارى انى بجيب البهارات موش مطحونة
وكل ماجى اعمل اكلة بطحن على اد الاستعماااال
بتبقى فرش
والحواوشى بحط شوية برغل مع اللحمة والبصل
لما اجى اعمل الفته بحط ليها 2 ملعقه كبيرة صلصه بتديها نكهه جميله
البصل بتاع الكشرى المصرى وأنا بحمره بحط عليه شوية ملح صغيرة دة بيخليه يحمر ومقرمش بيبقى كله لون واحد
وبنشله من الزيت وأسلق مكانه العدس وبحط الرز عليه بيبقى لونه روعه وكمان الطعم حكاية


الكبسة لما تعمليها وتسوى اللحمة خدى الصوص واضربية فى الخلاط عشان يبى ناعم ومتوزع حلو فى الرز

الفتة
واو حمصى العيش فى زبدة وعليهم معلقة طماطم من ام خل بتاعة الفتة
وحبة من الشوربة ام خل بردة والشوربة العادية


الحواوشى بيبقى تحفة لما تضيفى لعجينة اللحمة بشر جوزة الطيب مع مبشور البصل وتحطية
فى عيش لبنانى وتدهنية زبدة وتسويه فى صينية على النار مش فى الفرن على الوشين
كمان العيش اللبنانى ممكن يتعمل فية سجق سبق تسويته مع بصل مقطع وطماطم مقطعه وفلفل حار حسب الرغبة
ويتلف السندوتش ويدهن بالسمن او بالزبد وبردة يتحمر فى صينية على النارهاااايل
البصل بتاع الكشرى عشان يطلع مقرمش بعد ماتقطعى البصل ادعكيه على خفيف بشوية ملح وحطيه فى الزيت على البارد وسيبي الزيت يسخن مع البصل على النار لغاية مالبصل يحمر وكمان هيبقى مقرمش ودى انا مجرباها
البصل بتاع الكشرى اللى بنحمره
علشان يبقى مقرمش زى بتاع المحلات يتقطع بالسكين مش مبشور والتكه المهمة تحطى شوية دقيق على البصل قلبيه وبعدين حمريه ودوقى
الكشرى الاصفر
بيتعمل عادى من غير بصل بس وهو بيتشرب تكونى مقليه بصله
وتقلبيها فيه بيبقى حلو اووووووى احلى كمان من لما تعملى البصله فى الاول
تكاتى فى عمل الكشري ::: -- وهى ايه بقى --- انا طبعا لانى عندى ولاد ووقتى مش بيكون فاضى ...
بنقى كميه كبيرة من العس الاسود واغسله واغليه واصفيه واحطه فى الديب فريزر --- واعمل كده كمان فى الحمص
واعمل الصوص الى بالطماطم واسيبه يبرد وعلى الديب فريزر .
ولما اجى فى اي يوم عايزة اعمل كشرى -- اطلع شويه عدس وشويه حمص واعمل رز بشعريه عادى جدا ولما يقرب يستوى خلاص احط عليه كميه العدس والحمص الى انا عيزاها واحمر شويه بصل وانا واقفه
واسخن الصوص وبكده اكون عملت كشرى فى اقل من ربع ساعه
الحواوشي بعد ما لفه بورق سوليفان
في الفرن علي الشبكه ولما يستوي افكه واحطه كله في حله
ووسطهم فحمه مولعه علي ورقه سوليفان مدهونه زيت ونغطي الحله علشان
الدخنه بتدي نكهه انو مستو علي الفحم اربع دقايق وكلي احلي حواوشي 00
التوابل صحيحة مش مطحونة عند العطار تجيبها وتحمصيها في الفرن 7 دقايق كدة بس مش تحرقوها بس تتحمص بعد كدة تطحنوها واتفرجوا علي احلي بهارات في الدنيا بالذات الفلفل الاسود والكمون والكزبرة


الحواوشى لما بيتشوى على الفحم بيبقى تحفة بس بيدهن زيت بسيط الاول



 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:39 pm




نيجى بئا للبحرياااات
الاسماك باانواعها
هنشوف تكاتها



طرقتي دي بقي لتمليح السردين
وانا اخدتها من بياع الفسيخ
وطبقتها وكانت النتيجة
روعة
بصي ياقمر
حنجيب السردين واهم حاجة ميتغسلش
وتجيبي كيس نايلون
ايون
كيس نايلون بتاع المشتروات
وتحطي طبقة ملح
وطبقة سردين
ملح وسردين ورسردين وملح هههههههه
لغاية ماتخلصي الكمية
تجيبي يجي معلقتين تلاتةشطة وترميهم عيلها
وتقفلي الكيس كويس جدااااااااااااااااااااااا اا عشان الهواء
تجيبي كيستاني وتحطي فية الكيس الاولاني
وتعلقية في مكان
اسبوع واحد وحتكلي سردين يحسسك انة فسيخ


السمك المقلى
بنضفة وأغسله كويس جدا بالدقيق والليمون علشان الظفارة
وأتبله بالملح والكمون والزعتر وعصير الليمون
بعد كده أحطه فى البقسماط بالدقيق وأحطه فى التلاجة مده لاتقل عن ساعه
ولما اّجى أحمره بحطه لحظه فى الميه وبعدين الزيت بيبقى كرسبى وجميل جدااااااا
والسمك والجمبري بثوم وشبت وبقدونس
اما الجمبرى والسبيا او الكاليمارى البانية طبعا بعد الغسل الكويس ونصفيه من المية كويس
نتبل برضه نفس تتبيلة التوابل والليمون اللى فاتت بس هنزود عليها للجمبرى كام فص توم وممكن بصلاية صغيرة مبشورة ناعم اوى
اما للكاليمارى بقى هنزود معلقتين مسطرده بتدى لون وطعم حلو كمان ومع الدقيق بتمسك عشان التحمير


بعمل طريقه حلوه فى الجمبرى والسر بيطلع فى المسترده
بجيب جمبرى حسب الرغبه وبقطع فيه خضره وفلفل اخضر
ومعلقتين دقيق علشان يمسكوا فى بعض
وفصين ثوم مهروسين ومعلقه مستطرده
والبهارات ملح وكمون دا فظيع فى البحرى وكارى طبعا وبهارات سمك
وبيضه علشان تبقى فانشه
واقلبهم مع بعض كويس واقليهم زى الطعميه
بتبقى جنان



والسمك لما اجى اقليه بحط فى زيت القلية شوية خل بيخلى السمك ناشف
وجميل اه نسيت اقوللكم انا بحب اتبل السمك قبل معمله بيوم فى التلاجة
بتبله بميه البصل وكمون وفلفل اسود وكسبرة
ناشفة وشوية فلفل احمر وليمون كتير وملح وسيبه فى التلاجة لتانى يوم وبعدين احمره بيبقى خطير
السمك ..وانا بقليه بحط معاه فى الطاسة نص لمونة علشان تخلى ريحتة حلوة وريحة السمك ما تملاش الشقة
السمك بتبله بملح وكمون وليمون وطمطمايه مبشوره وقبل ما تتبليه
حطيه فى ماء ودقيق وشقيه 3 مرات من فوق وحطيه فى الزيت السخن بيبقى مقرمش ولذيذ


كمان السمك بعد التتبيله بحط على الدقيق شويه نشا بتخيه مقرمش وجميل
لما اجى اتوم السمك بعد لما اعمل خلطة التوم مبحطش جوة كل
سمكة التوم بخلطة بالسمك كلة علشان لما يتقلى والتوم جواة بيتعب المعدة فبكدة بيكون اخف .


انا بقي بعمل احلي صنية سمك بوري في الفرن
والريحة بتبقي جايبة الشارع
بنظفة عادي واحط في اول الصنية حلقات بصل
وارص السمك واتبلة بالكمون والشطة والملح
ونصف معلقة كزبرة وطبعا الزيت وطماطم قطع
نيجي بقي للسرررررررررررر
اربع ليمونات مع قرنين فلفل اخضر وحبة مية
في الخلاط
وبعدين نحطهم علي الصنية
جربوا وحتدعولي
مفيش ريحة ظفارة نهائي
وتحدي
حب اتبل السمك من قبلها بيوم علشان يشرب طعم التتبيلة واللحم بتعاه يكون طرى وجميل


بجي احط السمك في الفرن اولا برش على سطح الصنيه اللي بدخل السمك فيها ارش ملح ودا عشان مااخلي السمك يلصق بالصنية ويعملي مشكلة وقت التنظيف وجد نفعت الطريقة مية بالمية

حشو السمك المشوى او المقلى
بعمله بالثوم طبعا المفروم و معاه
(كسبرة على بقدونس على شبت)كلهم يعملو حوالى
حزمه صغيرة بقطعهم صغير خاااالص وادقهم مع التوم وفلفل اخضر
وجزرايه مبشورة وكمون وملح وشطه واحشى بيه السمك المقلى
ولو عاملة مشوى ضيفيها على الميه بتاعته وانتى بتسخنيه بيبقى جناااااااان
قبل قلى السمك وبعد مانغطيه بالدقيق نغمسه فى مية ونطلعه بسرعة ونحطه فى طاسة القلية يطلع السمك مقرمش وجميل
السمك بعمل ليه خلطه عباره عن ثوم وملح فلفل وكسبره وكمون وبحمرهم فى معلقتين زيت من المتبقى من قلى السمك وبرشهم فوق السمك على طبق التقديم طبعا دى غير الخلطه اللى بتحشى بيها السمك هتلاقى الطعم بقى ليه شكل تانى
واوعى ترمى زيت قلى السمك لانك لو عملتى بجانبه الرز الاصفر ابو بصل
بتجيب 3 اواربع ملاعق زيت من بقايا زيت التحمير وتحطى فيه بصلتيين تلاته وتحمريهم جامد اووى وبعدين ضيفى عليها المايه والكمون وسبيها تغلى وبعدين ضيفى الرز
وقدمى معاهم السلطه
يم يم اكله شهيه وتكفى ميه
هتاكلى صوابعك مع السمك


لما بعمل رز السمك اللى ببصله ومش عندى كركم بحرق البصله شويه بتدينى نفس اللون ونفس الطعم اللى انا عايزاه
زهقت من الارز اللى ماما كانت بتعمله مع السمك فققرت بعد ما اتجوزت انى اغيره تماما وعملت الاتى:
جبت صوابع كابوريا وجمبرى صغير ولو فى قطع صغيرة
من السمك الفيلية ما يضرش واشوح بصلة صغيرة مفرومة فى قليل من الزيت واول ماتصفر احط عليها فلفل رومى مقطع وطماطماية مقطعه وبقدونس وكسبرة خضراء مقطعين وبعدين اضيف الجمبرى والكابوريا والسمك واضيف عليهم ملح وفلفل وكمون وروزمارى وكركم وسماء واطلعم واحمر بصلة فى الزيت بس مش تتحرق اوى واضيف مقدار الارز ماء واول ما تغلى اضيف الخلطة السابقة والارز واسيبه يستوى وكلى احلى ارز مع السمك
السمك بلاش تتبليه وبعدين
تعصري عليه الليمن العكس احسن يعني نعصر الليمون الاول وبعدين نتبله ونحشيه


عمل السمك الروسى
بحط معاه قطع طماطم وفلفل اخضر وبصل وجزر مقطع
وباذنجانه مقطعهوفصين توم مقطعين وليمون وخل
وملح وكمون وزعتر
ومعلقتين زيت
وحطيه فى الفرن
وهتاكلى صوابعك وراه


للسمك القراميط
بتبله وارش عليه ليمون وخل عادى
وبعدين اسيبه
مع التتبيله
وبعدين اقطع كل سمكه 3 قطع
واقليها فى الزيت وفى الوقت ده
اكون على عين تانيه
مصفره بصله
واضيف عليها فلفل رومى اخضر واحمر واصفر اذا موجود
وبعدين انزل عليهم بصلصة الطماطم
واسيبهم يتسبكوا واضيف عليهم ملح وكمون ورشه فلفل اسود صغيره
وبعدين احط السمك فى الصينيه واضيف عليه الخليط
واحطه على عين البوتاجز
ينشف ويشرب من الطعم شويه
وبعده احمر وشه بالفرن
وممكن تاكليه بالعيش او بالرز بتاع السمك
وهتاكلوا صوابعكم وراه


لاننا لو تبلناه وبعدين عصرنا الليمون هنشطف الملح والتتبيله ومش هيتبل كويس
وممكن نحط بشر ليمون مع التتبيله بيبقى روعه وكمان ممكن نضيف للدقيق
اللي هنبطنه بيه كام حبة ينسون وطبعا جنزبيل مطحون وملح وفلفل وكمون


والسمك بتبلة بصلة ثوم فلفلة رومى وبقدونس طمطماية وليمون ملح وكمون
كتير واضربهم ف الخلاط واتبل بيهم السمك واسيبة ساعتين بيبقى جنان لما اجى


اقدح الزيت بحط معاة حبة روز مارى صغننين فى شاشة صغننة علشان هقولكما
لاكسدة ويبقى صحى كلنا عارفين اضرار الزيت المقدوح ورحته بتبقى جميلة جدا




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:45 pm




نيجى بئا للصوانى
صونية البطاطس
والرقاق
والجلاش




أحب أقولكو على سر من أسرار صينية الرقاق اللى بعملها والحمد لله بتطلع تحفة بشهادة الجميع
اولا فى العصاج ببشر طماطماية مع اللحمة المفرومة وهى بتستوى بتديها طعم ولون جميل اوى بدل ما اللحمة تبقى سادة كدة
اما بقى المفاجأة انى بعد ما بطبق صينية الرقاق بقطعها طبعا قبل ما تدخل الفرن وبقوم جايبة كوب لبن وبضرب فية بيضة مع حبة فلفل اسود مبحطش ملح عشان ببقى مظبطة الملح من الاول فمش عوزينها تحدق
بصبهم على الرقاق واسيبهم بس 5 دقايق على ما الرقاق يشرب اللبن دة وادخلها الفرن
مقولوكوش بقى على الريحة والطعم والقرمشة وااااااااااااو خطيرة بجد
احط على وش صينيه المسقعه قطع من البلو تشيز ((الريكفورد )) بيبقى طعم مميز بجد
المسقعة
انا بعملها عادى بحمرها بس بسويها او بسبك الطماطم فيها فى برام فى الفرن
الكبدة اللى فى صينية بالفرن وعليها شرائح البصل والفلفل الاخضر وشرائح الليمون وطبعا ملح وفلفل وبهارات وشوية كركم
واغطي الصينية بفويل
واول ما تستوى
افتحى الفويل وشمى احلى ريحة كبدة



وكمان لما بعمل صينية البطاطس باللحمة
بشوى اللحمة الأول وبعدين بعمل بصل حلقات وعلهم ملح
وفلفل وبهارات لحمة ورشة زنجبيل وبخلطهم كويس جدا وأضيف اللحم ثم البطاطس وعصير الطماطم
والتكة بقى حزمة كسبرة خضراء مغسولة كويس
أحطها بحالها يعنى سليمة مش مقطعة على وش الصينية وهى بتستوى بتديها طعم وريحة هايلة جدا
صنية البطاطس لما تحطى البصل بتاعها يكون مدعوك بملح وفلفل وتحطى عليه عصير الطماطم من غير ما تشوحى البصله
ولما تعصرى عليه ليمون وتقطعى قرن فلفل اخضر بيديها مذاق مميزه جدا


صنية الجلاش باللحمة المفرومة
بعد ما تعمليها وتطلعيها من الفرن غطيها باى غطا شوية وبعدين قطعيها هتطرى وتبقى زى الفطيرة وجميييييييلة


و صينيه الكفته التقليديه ممكن نغيرها شويه
بحلقات بصل كتير و فلفل رومي و مشروم فريش يتقطع نصين و ارميه عليها و دخليه الفرن


الرقاق الطرى وبحشيه لحمة معصجة من غير ولا نقطة زيت زى
الاخت اللى قالت طريقته باخر واحدة رقاق واحط جواها اللحمة وبعد كدة اطبقها اربع تربع وادهن سمن خفيف او ادهن زيت
حسب رغبتك واخد طاسة تيفال او عادية وادهنها بزيت او سمن برضه واسوى فيه الرقاق ونفس الطريقة
باخد واحدة رقاق وبيكون الحشو جبنة رومى وزيتون وفلفل رومى واسويها بنفس الطريقة جربيها وها تعجبك


القرنبيط مابقيتش اقليه زى الاول لانه بياخد زيت كتير قوى وبيبقى تقيل لكن بقيت اعمله بانى باخد الوردات بتاعته وبهرسها على الخلطه المعروفه بتاعته وبعملها اقراص واحطها فى صينيه تيفال وادخلها الفرن بتبقى خفيفه وحلوه قوى احسن من المقليه
كمان البطاطس المهروسه قلبتها مره مع جبنه رومى وحطيتها فى صينيه فى الفرن كانت ريحتها تحفه وطعمها كان حلو قوى ومابقيتش ابطل اعملها
اي صنيه حاجه بالبشاميل بعد ما اخلص الصينيه قبل ما ادخلها الفرن برش عالوش جبنة رومي مبشوره وزعتر وشيمي بئا ريحه الجينة مع الزعتر بيقلبو الدنيا


طاجن لسان العصفور بالكبد والقوانص معروف طبعا بنحمر اللسان عصفور وبنسويه فى طماطم وبعد كده نقلب عليه الكبد والقوانص بعد مابتكون استوت فى البصل بتاعها بيكون تحفه بس تقيل موت بسبب الزيت اللى متحمر بيه العصفور
الافتكاسه بقى انى بعد مابحمره بسلقه فى ميه زى المكرونه وبصفيه وبعد كده بضيفه للتسبيكه والكبد والقوانص
بيكون خفيف خالص ولذيذ جدا


صينيه الجلاش وقبل ماتدخليها الفرن المفروض بتسقيها بكوبايه لبن وعليها بيضة وفلفل التكة بقى ومعرفش دي جديده والا تعرفوها انى بدل اللبن بضرب علبه زبادي مع قطعة جبنه نستو مع
بيضه وفلفل اسود ف الخلاط وباسقى بيهم صينيه الجلاش بتطلع طريه وهشه
صنية البطاطس بالفراخ او باللحمة وهى انى
بقطع بصل كتير حلقات وفلفل اخضر برضو حلقات وتوم وقرن شطة وبتبل كل دول بالتوابل بتاعتنا المعروفة دى فلفل اسمر وملح وقرفة وزعتر وبهار ومرقة دجاج وممكن احط عليها توابل اللحمة او الفراخ المشوية المهم بدعكهم ببعض جامد وبعدين احط عليهم السمن واديهم تشويحة على النار الاول يجى خمس دقايق كدة وبعين اضيف البطاطس واقلبها معاهم ع النار يجى دقيقتين وانزلهم واحط عليهم الفراخ واقلبهم فى بعض وبعدين اجيب طمطمايه او اتنين واقطعهم شرايح على وشها ولوفى شوربة احط عليها كباية وادخلها الفرن واهدى عليها واسيبها براحتها لغاية ماتستوى بتبقى روعة
على فكرة لو هعملها بلحمة بقلل كمية السمن واحط اللحمة فى البداية عشان تتشوح شوية


بسلق الفراخ واحطها فى صينية وعليها معلقة صلصة ولمونة معصورة وملح وفلفل ومعلقة عسل اوسكر وتوابل ومعلقتين زيت بتطلع تهبل والريحة فظيعة جر بوها بس بحطها تاخد لون تحت الشواية لانها مسلوقة من الاول ولو مفيش شواية حطى الصينية على البوتاجاز من فوق بس تكونى حاطة زيت الاول ومسخنا ة قوى عشان متلزقش الفرخة فى الصينية وهتاخد لون بسرعة زى بتاعت المطاعم عشان العسل او السكر بيدى لون بنى غامق مع الصلصة الحمرا لون وطعم جميل


******************************************************
احم احم
نيجى بئا هنا


للمقلياات
بيض* بطاطس* مسقعه* فشار * شيبسى
كله هتلاقى اسرار العدولات



يالنسبة للاومليت هاد بحر بحالو ... بتفنن فيـّو على كيفي على حسب المتاح عندي...
أجيانا بضيف للبيض بعد الخفق سن توم مهروس وسماق ...وبخلطهم..وبقلي .. وطعمه شهي...
وأحيانا بقلب عالنار فلفل رومي مع مشروم وبصل وبضيفه للبيض وبخفقه ... وبقليه ..
أحيانا لو عندي لانشون أو دجاج مسلوق سابقا بقلبه عالنار بعدين بضيفه للبيض وبخفقه...وبقليه ..
وممكن لو عندي جبن سلايد أو جبن ممكن برشه بحطه عالوجه لما بقلب الاومليت عالنار ..
ولو عندي جبن فيتا كمان بحطه مع خلطات الاومليت...
بقلى اى حاجه بالدقيق سمك مثلا او بروستد
بتبل الدقيق بجنزبيل بودره - ببريكا - ثوم بودره
بصل بودره - ملح وفلفل وكمون
البطاطس لما تجي تقليها اقليها علي مرتين يعني تقليها نص قليه وتطلعيها لو عنك وقت
سيبيها تبرد واقليها تاني معندكيش وقت شيليها ثواني واقليها تاني بتفرق جداااااااااااااا


الكنتاكي لما تيجي تقليه اول حاجه الزيت يبقي سخن جدااااا وبعدين توطي خالص وتغطي القلايه
بغطي حله وكل شويه تقليبيها ولما تستوي علي علي الزيت تاني عشان تقرمش
وتبقي مستويه من جوه اصل انا مش بحب اسلق الفراخ البيضه نهائيييييييي


لما تعملى مسقعه اقلى البتنجان وبعدين حطيه فى مصفه وصبى
عليه ميه مغليه وانتريه فى المصفه وسبيه شويه ينزل ميته قبل ما تحطيه على الصلصه
هتلاقى كل الزيت اللى فى البتنجان نزل والمصقعه بقت خفيفه
بس خلى بالك اوعى الميه تلسعك


البتنجان الرومى بقطعه بالطول علشان ما يشربش زيت كتير ..ويبقى خفيف فى القلى
وكمان فى خلطه القرنبيط النص بالنص نشا بيتخليه مقرمش وروعه
روز مارى لما يتحط على البطاطس المقليه بيبقى ريحته وطعمه بيجنن
كفته البطاطس ببشرلها بصله وبعسر ميتها و اخد الميه وبضيفهاوبرمى البشر
بيخليها ما تفكش فى التحمير و قبل التحمير بحطها حوالى نصف ساعه فى الثلاجه
تكة تانية للبطاطس المقلية عشان تبقي مقرمشة من برة وطرية من جوة
انقعيها في مياة شخنة اوى مغليه في طبق كدة وحطيها علي 2 معلقة سكر وبعد كدة اقليها عادي


بقلى البطاطس كده
بحطها على النار فى المية واضافه شوية خل وملح بسيط
يعنى تغلى دقايق وبعدين أصفيها
وأحطها فى الزيت تتحمر بيبقى لونها دهبى وجميل
وتحطى عليها رشة فلفل أسود بتبقى أحسن من كنتاكى
والقرنبيط بسلقه عادى بماء وملح وشوية كمون
ولما اّجى أحمره
بعمل البيض والدقيق وشوية نشا وطبعا فلفل وملح وخضرة وأضربهم مع بعض
والزيت بضيف عليه ملعقة سمن دى بتخلى لونه دهبى
أنا بحط مكعب فى الزيت لما أجى أعمل الفشار للولاد بيبقى جميل قوى
وبحب احط قطع جبن شيدر او كيري على البيض المقلي
البطاطس المهروسة
اقدحى الزيت وحطى علية التوابل بتاعتك وانت بتضفيها ع البطاطس صفية هياخد الطعم ومن غير حبوب التوابل ما تنزل ع البطاطس وضيفى لها بقدونس وقرن
فلفل احمر


وبردة ممكن تعمليها بالزبدة وحمرى فيها فص توم وحطيها ع البطاطس وعليهم
بقدونس بموت فيييييييييييييييهاااااااا ااااااااااااا
والبطاطس قبل ماتقليها تكوني مقعطهتها وتسلقيها بالماء لحد ماتستوي نص سوء وبعدها انزلها من الماء واخليها تنشف او الى قبل التقديم ب5 دقائق اقوم اقليها بالزيت وانتم راح تلاحظون الفرق بتكون مقرمشه وروعة مثل الي بناكلها في المطاعم


الفيشار دا ماما حبيبتي بتعملو كدا واحلي من الملح مبحتطش ملح بترش عليه الماجي الي بيبئا بورده في اكياس وفي حاجه اسمها جليوميتات الصوديوم ومكتوب عليها منكهه طعم دي انا بحطها في كل اكلي
وهيا اللي بحطها عالفيشار فظيعه بتملح وتدي طعم جامد جدا
ممكن تخلطي البقسماط بدوريتوس مطحون بيديله طعم جديد و اولادك اكيد حيحبوه


قلي البيض العيون
في مقلايا تيفال افرشي المقلايا زيت ورشي ملح وزنجبيل مطحون
واقلي البيض فوقها وتحفه بيقرمش تاكلوا صوابعكم وراه
الفراخ علشان تطلع مقرمشه
انتى تسويها على نار هاديه بدون ميه بعد ماتحطى ابصل وطماطم وفلفل وبهارات
وبعدكدا لما تستوى نص سوا تطلعيها تخليها تبرد تتبليها بتتبيله الفراخ الزبادى الزعتر الفلفل البهارات كلها مسطرده اى حاجه قدامك
وتشيليها فالفريزر ساعتين ولا حاجه
وبعدكدا فحله غويطه شويه زى القلايه للى مش عندها زينا
وتجمى الزيت اوووووووووووووووووووووى
ويكون كتير
وتحطى الفراخ اول ماتطلعيها فيها
وبالهنا والشفا
وبرده نفس الطريقه علشان تعملى بطاطس فارم فريتس
انتى بتحمريها نص تحميرة فالزيتوتشيليها فالفريزر كام ساعه وتحطيها فالنار فالزيت المغلى تانى
انا كنت بعمل القرنبيط عادى بحط مية واحطوا عادى واسلقوا
راحت خالتى قالتلى امبارح لا
ارصوا فى الحله وتبقى الزهرة من فوق والحتت الطويلة من تحت {معرفش بيسموها ايه بصراحه}
ومش اغمروا بالمية كلوا لا بس مستوى الميه يبقى لغاية الحتت الطويله والزهره نفسها هتستوى على بخار الميه وفعلا جربتها ومش اتهرت منى ولاقتها افض من انى احط ميه كتير
لما تقلى الطعمىه فى البت خرطى بصله وطماطه وقرن فلفل رومى او حامى وبىضه وشوىة خضره لو فى وكلى احلى طعمىه وادعلىى
خلطة القرنبط فى الخلاط طماطمىه محترمه كده وكام فص
توم وقرن فلفل وبعدىن فى سلطانىه كام معلقة دقىق مع معلقتن نشا وتوابل
الشيبسي...
إزاي نعمله ويبقى حلو وباين؟؟
الشيبسي يتعمل عادي جدا
بس أول ما نبدأ ونسمي نشغل الفرن على درجة عاليةجدا
ونقلي البطاطس عادي...
وبعدين بعد ما نخلص الكمية نجيب صينية كبيرة ونحط فيها الشيبسي اللي طلع
ونجيب الطعم اللي احنا عايزينه
خل - ليمون وشطة - كاتشاب - بصل....
أي حاجة
بس أهم حاجة إن الطعم نخليه سااااااااااااائل....
يعني الكاتشب والخل واللليمون سوائل
الجبنة مثلا نحط عليها مية وممكن نضربها في الخلاط ونخليها سايلة ومتجانسة..
ونحط كمية كبيييييييييييييرة مش صغيرة من الطعم..حوالي نصف كوباية أو أكتر...
ونقلب كويس جداااااااااااااااا وندخلها الفرن
ونقلبها كل دقيقتين تقريبا..
غالبا البطاطس هتطرى..بس هترجع تنشف تاني من المية..
أول ما تنشف طلعيها ودوقي أحلى شيبسي بيتي...


وشوىةبقدونس ولواحتاج حبة ماء وقرمشى وادعلى ومقلكىش على جمال لونه

العيش الفينو الناشف بقطعة دوائر رفيعة واحمرة فى زيت وعلية مرقة دجاج واطلعة وارشة بالملح والفلفل بيبقى جميل احلى من البكرولز
البطاطس علشان تقرمش باغلى ماء وعليها خل واسقط البطاطس 5ق واصفيها واحمرها بالزيت المضاف علية مكعب مرق دجاج وحبة كركم
طعمها جميل
البيض المقلى نقلب معاه شوية لبن صغيرين وجبنة رومى مبشورة قبل مانحطة فى الزيت
البطاطس المحمرة: كنت جايبالها بهارات بطاطس محمرة من كارفور كانت حلوة اوي كنت بقلبها فيها قبل ما احمرها لما خلصت بقيت احط جنزبيل
و بابريكا بتديها طعم جميل و طبعا لو قليتيها على مرتين بتبقى مقرمشة و تحفة


احنا عارفين ان فى بطاطس
بتتحروق ف الطاسة انا بسلق البطاطس نص سلقة واكون حطة الزيت ع النار واحط البطاطس
وهى سخنة ف الطاسة واااااااااو مقلكوش بتبقى مقرمشة ولذيذة جدا ولا لونها خطير جربوها




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:46 pm




المعجنات
بيتزا * لزانيا *كريب* قرص



معجناتي بتبقي أحلي بلبن البودره دي حاجة خدتها من
ماما الله يرحمها
من زمان قوي و هيا بتعمل كده بتحط لبن بودره علي الدقيق و تعجن بميه
عجينة البيتزا وعيش الشاورمة احط حبة البركة


لعجينة البيتزا او المعجنات لبن بودره بيعمل عمل المحسن
معلقة سم بلدى بتخليها طريه اوى
بصل بودره وثوم بودره بتخلى ليها طعم جنان
القرص الطريه بعجنها باللبن الرايب بيخليها طريه وهشه فى نفس الوقت
الرقاق عشان يبقي طري اول حاجه تسويه من فوق وقبل ماتقلبي
الوش التاني تحطي ربع كوبايه شوربه علي معلقتين سمنه وتقلبي هتلاقي طعمه خطييييييير


عجينة البيتزا بتاعتى هى عجينة عيش الطاسة
يعنى بحط خميرة للدقيق و معاه بيكينج بااودر و معلقتين مائدة فقط من الزيت لكل 2 كوب دقيق
و كلى بيتزا كأنك فى مينوش
الصوص بتاع البيتزا بعمله نص كاتشب ونص مايونيز وبيطلع خطيييييييييير
عشان تبقي ايطالي اصلي لازم زيت زيتون ولين بودرة دانو بيغير طعمها خالص


والمعجنات بحب اعجنها بلبن رايب واضيف شويه ريحان او اوريجانو على الدقيق
بيبقى طعمها رهييييييييييب


لما أعمل البيتزا والفطاير وقبل ما أفردهم على صينية الفرن برش ع الصينية شوية لبن بودرة
ده بيخلي البيتزا تبقى ماسكة نفسها لما نيجي ناكلها


الازانيا خفيفة وجميلة اوووي
بجيب الجاهزة
بسلقها عادي
ارصص اول طبقة واحط جزي من اللحمة المفرومة بصوص الطماطم وهكذا للنهاية\
علي الوش بقي مبحطش بشامل خالص
بحط بدل البشامل (جبنة رومي مبشورة+جبنة موتزريلا) خطييييييييييييييييييرة
البيتزا بدل متبقى العجينة دقيق و زيت و ماء و خميره و انتو عارفين و بعدين صلصه لوحدها فيها بصل و تحابيش لالالالالالالا عندى حاجة الذ و اطعم ..حطى فالعجينة مع الدقيق ملعقة صغيرة ثوم بودره و زيها بصل بودره و 2 زيهم زعتر و نص ملعقه صغيرة فلفل اسود و اعجنيها و بكده العجينة نفسها محبشه اما الصلصه كل اللى عليكى تدهنى العجينه كاتشب و ادعولى
القرص بعد العجن بدعكهم بقطعه سمن فلاحى عشان تديهم ريحه حلوة


وطبعاالمعجنات لازم اللبن البودرة بيخلي المعجنات هايله
وانا بعد مابعجن العجينه بقسم العجينه نصين نص اخليه ماسك نفسه كده يعني ناشف شويه
اعمل بيه كرواسان اما باقي العجينه باخدها واحط عليها مايه تاني واخليها طرية
بتبقي زي عجينه الكيك كده او تجمد شويه صغيرين عنها واحاول احطها في صينيه
وافرشها فيها وطبعا هتمسك في ايدي ببل ايدي ميه واضغط بيها هتفلت علي طول
ويكون سمكها قليل اوي عشان هتنفش بشكل رهيب بعد كده
وبعد كده احط صلصة البيتزا وبعد كده الحشو وبتخمر كلها مع بعضها
والحشو بيمسك في العجينه خالص ومبيفلتش وبعد كده ادخلها الفرن وبعد ماتستوي
احط عليها الجبنه الموتزرلاا ودخلها افرن دقيقتين واطلعها
بالنسبة لصلصة البيتزا انا بعملها في البيت بقطع توم مع بصل واحمرهم في شوية زيت
وبعد كده علبة صلصه وربع معلقه سكر وكوب ميه وزعتر ولو عندي ريحان ومكعب مرقة دجاج
واسبهم علي النار لحد ماتتقل وبعد كده احطها في الفريزر وبسحب منها كل ما احتاج
طريقتي في المعجنات هي عجينة العشر دقايق طبعا كلكم عارفنها


عجينة للبيتزا او الفطائر او اي نوع من الوعجنات حطي معلقة شمر صغيرة في العجينة
ريحتها و طعمها بيبقي روعة
الريحة بتقلب الشارع


لما باعمل المخبوزات في الفرن بادهن الوش بالبيض واللبن ونص ملعقة نسكافيه بيبقى لونها جمييييييل جدا
القراميش اللي بالمحلب بس بتبقي ليها ريحه مميزه فعلا


عجينة الكريب (الكانيلونى)
بدوب مكعب مرقة فى جزء من البن واضيفه على المكونات بيخلى الطعم الجمل


****************************************************
المخللات والسلطات والبابا غنوج



عايزه تحتفظى بالخيار لمدة شهر فى التلاجه
هاتى فوطه مبلوله ومعصورة وحطيه فبها وشيله فى التلاجه
هيفضل معاكى طازه كأنك لسه جايباه



الباذنجان المخلل باعمله خلطة تحفة
(توم...فلفل الوان...كسبرة خضرا..جزر مبشور...وملح وكمون وشطة) بيبقى واااااو


مخلل الخيار
بدفى المية مع اضافة ملعقة سكر وشوية خل
وبعد كده حطى الخيار
ومعاه فصين توم مفرومين حطيهم فى شاشه هيعطى له طعم جميل
وحطية بعد كام ساعة فى التلاجه هتلاقيه بيقرش وجميل
وبحب اعمل للسلطه الدريسنج ده (( مسترده وعسل وزيت )) رااااااائع بجد


لما تعملى سلطه ادعكى البصله بعد ماتخرطها بملح
وشوة خل وبعدن اغسلىها بكون طعم السلطه الخضراء جمىل ومفش صننه للبصل


مش واحط عليه طحينه اكون مخففاها بميه واضعها على الم واجيب طبق واعمل فى سلطه
خضرا حسب رغبه كل واحده بس الاساس طماطم وفلفل حامى او بارد واحطها على خليط
المش والطحينه واكون سلقه بيض حسب كميه اللى ها ياكل واهرسه بالشوكه يعنى هرس
متوسط واحطه على الخليه بس اوعوا تخلصوا الجبز اللى فى البيت وحاسبوا على ايديكم


البذنجان بعد لما تحضروه للقلى تكون محضرين دقه له الا وهى توم وكمون
وملح وفلفل مطحونين مع بعض وتحطوا عليهم ليمون وماء بس مش كتير حسب الكميه
واذا كنت بتحبوا الخل ماشى وتلقى البذنجان وتنزليه فىالخلطه بعد لما يتشرب شويه
تركنيه فى الطبق جانبا وتضعى غيره ها تلاقى فى الاخر مفيش ميه كله اتشرب
وكلى بالهنا والشفا احلى مقبلات على فكره انا بحبه لوحده وبالعيش المحمص
وللى مبيحبش طعم البصل يبان قوى فى السلطة
تقطعيه صغير و تحطى عليه الليمون والخل والملح والسكر اللى هتحطيهم على السلطة وتسيبيه منقوع فيهم لحد ما تحلصى السلطة وبعدين تروحى حطاهم على السلطة بتاخد طعم حلو قوى من غير ما يبان البصل جامد وتضيفى طبعاً بقى الفلفل والكمون او اى توابل تانيه تحبى تحطيها على السلطه بعد كده


سلطة الزبادي: لما تيجي تقطعي الخيار قطعيه اربع تربع بالطول و شيلي قلب الخيارة و خدي لحمها بس عشان السلطة متطلعش ميه
بقطع العيش الشامى وأحمره ويتاكل مع الطحينه أو الكاتشب
زى العيش اللى عند فهمى اللى بينزله مع الكبده
بشوى الباذنجان بتاع بابا غنوج على النار من فوق بيبقى جميل اوى بس تقلبية على كل ناحية
بياخد 10 دقائق على النا الوسط


البابا غنوج بطريقه حلوه
كده
يعنى مش بتشوى البتنجان لا
دى بتجيب البتنجانه صحيحه وياسلام لو كان بتنجان ابيض كمان
اللى هو الطويل
يتغسل وتنشفيه من المايه وتقليها صحيحه فى الزيت
علشان صحيحه مش هتشرب زيت خالص وهتكون خفيفه
وبعدين بعد اما تلاقيها استوت يعنى لونها احمر
بتطلعيها وتبرد
وتقومى شايله القشره اللى من فوق
معلقتين كبار طحينه ومعلقتين خل و3 فصوص توم
مع بتنجانه كبيره او وسط
وكلهم يضربو فى الخلاط
ولما تطلعيها تقطى عليها حتت صغيره بقدونس
تجمليها بى يعنى
وبالهنا والشفا




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}


 

 
معلومات اضافية
عدد المشاركات عدد المشاركات : 58
البلد البلد : مصر
الجنس الجنس : انثى

معاينة صفحة البيانات الشخصي للعضو
موضوع: رد: التكات الخاصة بالأكل الأحد فبراير 03, 2013 11:47 pm




المشروبااات

لكل اللى بيحبوا نوتيلا
أنا بجيب كوب للبن وأى نوع كاكاو حلو وحطى علبه كامله مع 2 معلقه زبده صفرا مع باكو كوفى ميكس اللى هو زى النسكافيه وعليه المقدار اللى تحبيه من السكر مع مقدار حلو من البندق المدقوق زى مانتى عايزه وتضربى كله فى الخلاط وأثناء الضرب تضيفى زيت عباد الشمس أو الذره خيط رفيع فى الخلاط وهو شغال
لحد ماتلاقى الخليط جمد ومش عايز يتحرك تانى فى الخلاط ودوقى أحلى نوتيلا عمايل أيديكى وصنع بيتى
عصاير الحليب بالفواكه غاليه لو جبتيها كل يوم لولادك و هما رايحين المدرسه
طيب تعملي ايه
هاتي شربات فراوله فيتراك مثلا و بدل ما تخففيه بالميه
حطي لبن
و هنا بقي الافتكاسه حتلاقيه زي طعم الفراوله باللبن اللي الاطفال بيحبوها الجاهزه
و بعملهلهم و احطها في ازايز العصير الصغيره و هما رايحين المدرسه
عايزه تشربي احلى كوبايه
شاي حطي معاه مرمريه
ولا تقولولي نعناع وقرنفل
بجد رهيييييييييييييييييييب
وبيعددددددل الدماغ


شاي بلبن
اغلي اللبن على النار ومعاه فصين حبهان ((هيل ))
وبعدين حطي باكيت الشاي ياخد غلوه وحليه واشربيه
رااااااااااااااائع


لما بعمل عصير الجوافة باللبن بحط 4 أو 5 حبات فراولة فى الخلاط معاهم ودوقى أحلى عصير

****************************************************8

ونختم بئا بالحلوياااااات



الجيلي
هي مش اضافه جديده بس فكره
لما تقطعي تفاح مثلا علي الجيلي قطعيه بقطاعات قلوب و اسماك و اشكال بتبقي عايمه علي الوش و شكلها حيعجب ولادك اوي
الشربات بتاع الحلويات لما تعمليه وتطفي حطي معلقه سمنه بلدي والله كانك عامله الحلويات بسمنه صافي حتي لو عاملاها بصناعي


الكنافة بدعكها لعد ما بقطعها حتت صغيرة بشوية سكر بودرة وسمنة ...كانها جاااااااااااهخزة بالظبط
فى الكنافه بحط الشربات بارد والصنيه بارده بتبقى احلى بكتير
وكمان اى مخبوزات بالخميره لازم تخمريها يعد التقطيه وكمان تدهنى وشها قبل الخمر
وفى الكريمه بستخدم عسل نحل او شربات تقيل بدل السكر بتبقى قوامها جميل ومتماسكه وكمان الكيك ما يشربهاش


لقمة القاضى او الزلابية
بحط فى العجينة بتاعتها بطاطساية مسلوقة اوووووى فيها واعجنها كويس جداااااااااااااا
بطلع هشة من بره وطرية اووووووى من جوه وادعيلى
الرز بللبن او المهلبية او العاشورا ..
.بحط مع اللبن والسكر معلقتين كريم شانيه واكمل طريقتى عادى بيطلع زى الجاهز بالظبط
كريمة التورتة بعد ما اضربها بحطلها معلقة قشطة بتخلى طعمها خطييييييييييييير
الكنافة بحطلها قرفه
الكنافه قبل ما استخدمها احطها فى الفريز وبعدين لما اطلعها هتبقه سهله الفرك ومش بحط عليها اى سمن بعملها بالقشطه
اعملي ام علي بعجينه الميل في وحطي مع اللبن ربع كوب لبن مركز


البسبوسه بتطلع ناشفه من ناس كتير
هقولك على تكه يمكن تعجبك
اولا منستعملش اى سوائل فى البسبوسه يعنى نعجنها بزبادى وسمنه بدون اضافة اللبن
ولما نطلع البسبوسه من الفرن نسقيها بالشربات بتاعها وهو سخن بيغلى ميكونش الشربات بارد
وبعد ما تبرد نبتدى نخرطها بتطلع طريه وحلوه وفوقها زى تحتها
لان الناشفه بتبقى طريه من تحت وناشفه من فوق


الأرز باللبن لما تزودي عليه (شوية كريم شانتيه + قليل من القرفة + الفانيليا ) بيكون مميز جدا بشهادة الذواقة
الكنافه بحب اسويها على البوتاجاز من فوق بتكون حلوه عن الفرن


الكيكة
نشفت او غضبوا عليها خديها فرفتيها وحطى عليها لبن وشيكولاتة وشكليها
ونزليها فى شيكولاتة سايحة وبعدها مكسرات او جوز الهند
البسبوسة
اتركنت حطى لبن وقشطة وبعدها بردة مكسرات وبالف هنا
في الكيكة العادي لازم بحط ملعقة زبادي
كيكتي بتبقي احلى لما بحط 3 م كبار حليب بودره وبانيهي بيكون احلي لما بحط صويا صوص
كيك الشيكلاته غامق ضيفي على مقادير الكيك نص معلقه صغيره بيكنج صودا
الكنافه لما تشتريها حطيها فى الفريزر قبل ما تستعمليها
ولما تطلعيها كسريها بايدك هاتطلع هايله


الكيك ..راعى فى اى كيكه ان الزبد تكون اكتر بمعلقه واختارى نوع موثوق منه حلو
وتضربيها كتير مع البيض والسكر
بتطلع ناعمه بشكل رهيييييب
واستخدمى بكوات البيكنج بودر الجديده اللى اسمها الشيف
لان عليها بيكنج صودا بمقدار كويس وبتخليها هشه ومظبوطه قووووى


اما العاشورة
طنتى معلمانى اخذ تلتها واضربه فى الخلاط واضيفه على الباقى واحليها وهى بتتخن منها فيها انا مش عارفة كل الناس بتعملها كدة والا لاء
بس انا اخترعت فيها اكتر عشان تشرب لبن اكتر
بسلق القمح بشوية ماء قليل ومش كتير لغاية نص سية وبعدين اطفى واضيف لبن دافئ عشان بتبقى عطشانة اوى وبتشرب اللبن
هنا تشرب اللبن واكمل سوا بلبن تانى واكمل الطريقة عادى
كل ده عشان اكتر قيمتها
لانها مفيدة اوى وضد السرطان ومهمة للاطفال


المهلبيه
بجيب النشا و2 او3 كيس سوبيا اه سوبيا بودر من اللى بنعملها فى رمضان
واجيب كريم شانتيه برده بودر واجيب للبن حليب او لبن نيدو والكل الخليط دا حطيه على بعضه
وقلبيه وحطيه على نار هادئه وكلى والله احلى مهلبيه بس ادعولى


البسبوسه
مش بحط لها زبادى
لا باحط لبن بودره وجوز هند طبعا
وابسها بميه بس حبه صغيرين خالص لحد ما تتماسك
ولازم تبسيها مش تعجنيها
بسيها وانتى فارده ايد والايد التانيه بتلف فيها ومش بحط لها باكنج بودر
عشان باحبها رفيعه وماسكه نفسها


البسبوسة
وتطلع من الفرن وتسقيها الشربات غطيها بغطا كبير
ودخليها الفرن تانى وهو لسه سخن لمدة 3 دقايق بس
هتلاقيها امتصت الشربات كله ونفشت وبقت سايحة جدا
وبالهنا والشفا


الكيك باليوسفى
بنتبقي روعه احلي من االلى بالبرتقال يعني
تقسمي اليوسفي اتنين زي اليمونه واعصريها اكنك بتعصري ليمونه وصفي البزر
الرز بالبن
عوزاه زي بتاع المالكي يبقي تسلقيه
في لبن مش في ميه ودوقي احلي الرز بالبن وضيفيلو حته قشطه او كريمه لباني




وكده ياقمراات الموضوع خلص خالص
وكله مجمع من تجارب مطبخية




 الموضوع الأصلي : التكات الخاصة بالأكل //   المصدر : منتديات لمسات كروشيه // الكاتب: شهرزاد



شهرزاد ; توقيع العضو




<br>

{
}

التكات الخاصة بالأكل

استعرض الموضوع السابق استعرض الموضوع التالي الرجوع الى أعلى الصفحة

صفحة 1 من اصل 1
خدمات الموضوع
 KonuEtiketleri كلمات دليليه
التكات الخاصة بالأكل , التكات الخاصة بالأكل , التكات الخاصة بالأكل , التكات الخاصة بالأكل , التكات الخاصة بالأكل , التكات الخاصة بالأكل
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ التكات الخاصة بالأكل ] مخالف ,, من فضلك راسل الإدارة من هنا
صلاحيات هذا المنتدى:لاتستطيع الرد على المواضيع في هذا المنتدى
لمسات كروشيه :: اقسام الطبخ :: قسم نصائح و خبرات الطبخ-
ضوابط المشاركة في المنتدى
لاتستطيع الرد على المواضيع في هذا المنتدى


BB code متاحة للجميع
الابتسامات متاحة للأعضاء
كود[IMG] متاح للأعضاء
كود HTML متاح للأعضاء